« »
 
FACTOR 1, FACTOR 2.
[]« 1 factor » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 392a. http://ducange.enc.sorbonne.fr/FACTOR1
1. FACTOR, in Gloss. Lat. MS. Reg. Cod. 1013. est Dictor. Alias
Factor, est idem ac fautor, qui alicujus partibus favet. Aimoinus lib. 3. de mirac. S. Bened. cap. 6 :
Id (castrum) Geraldus quidam partibus favens Adhemarianis tenebat, exclusis Factoribus Hugonis, qui partem ejusdem Castri ab Adhemaro sibi præreptam non mediocriter indignabatur.
Hugo Flaviniac. in Chron. pag. 193 :
Perpetuo anathemate cum suis auctoribus, Factoribus, sequacibus a luminibus sanctæ Ecclesiæ separatus, etc.
Nangius in Chr. ann. 1265 :
Multique alii hæretici et Factores eorum gladio anathematis feriuntur.
Adde Historiam Cortusior. lib. 9. cap. 2. et lib. 11. cap. 6. Vide Faucio.
L. Henschel, 1840–1850.
Factor, Creator. Rerum Factor, Walthar. vers. 1161. Factor omnipotens, Ecbas. vers. 383. Factor solis, apud Corippum de Laud. Just. lib. 1. vers. 340. Factorem elementa tremiscunt, Johann. lib. 1. vers. 288. Adde lib. 3. vers. 125. etc. Occurrit etiam ap. Tertullinum et Salvianum. Vide Forcellinum.
© École des chartes.
[]« 2 factor » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 392a. http://ducange.enc.sorbonne.fr/FACTOR2
2. FACTOR, Qui res alterius agit, vel ejus nomine administrat, Ital. Fattore ; unde Factorius, ad hujusmodi procuratorem spectans. Charta ann. 1482. apud Murator. tom. 4. Antiq. Ital. med. ævi col. 226 :
Volentes disponere de bonis et rebus dicti hospitalis pro libito eorum et contra voluntatem dicti rectoris et Factorum suorum.
Formul. MSS. ex Cod. reg. 7657. fol. 17. r°. :
Gaspar mercator, [] Factor et procurator seu negotiorum gestor nobilis viri Melchionis,... nomine Factorio antedicto fecit et constituit, etc.
Factores, Procuratores mercatorum, Italis Fattori, nostris Facteurs. Vide Drapperius in Drappus.
P. Carpentier, 1766.
◊ Privil. Rupel. ann. 1372. tom. 5. Ordinat. reg. Franc. pag. 574. art. 12 :
Mercatores burgenses et ipsorum Factores, familiares, etc. Faiteurs,
in Lit. ann. 1364. tom. 4. earumd. Ordinat. pag. 432. art. 27.
Factores Sceleris, apud Ulpianum, ut est in Pandectis Florent. pro fautores, et Baldricum Noviom. lib. 1. cap. 61. Facteurs, nude, in Consuetud. Hannoniensi cap. 32. 33. etc. Faiteulz, in Magno Recordo Leodiensi pag. 55. qui crimen perpetrarunt. Concilium Silvanectense ann. 990 :
Eos quoque, qui hujus traditionis fuerunt inventores, auctores, Factores, cooperatores, etc.
Ita usurpant lex 6. D. de Re militari (49, 16.) et lex. solent. D. de Custod. et exhib. (48, 3.)
P. Carpentier, 1766.
◊ Faituelles, eodem intellectu, in Charta ann. 1424. tom. 2. Hist. Leod. pag. 446 :
Et nientmoins que les Faituelles soient tenus de relivreir celle filhe deséagié saine et salve.
© École des chartes.