« »
 
[]« Drappus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 193a. http://ducange.enc.sorbonne.fr/DRAPPUS
DRAPPUS, Pannus, Gallis Draps, Italis Drappo : quæ vox occurrit in Notis, quæ Tyroni adscribuntur pag. 161. Capitula ad Legem Alamannor. cap. 31. Edit. Steph. Baluzii :
Si quis altero per mano aut per Drappo iratus priserit, sol. 9. solvat.
Marculfus lib. 1. Form. 12 :
Cum... argento, auro, fabricaturis, Drappis, vestimentis, vel omni supellectile eorum.
Eadem fere lib. 2. Form. 10. 14. 16. Capitularia Caroli C. tit. 29. § 1 :
Quando solemus reverti... ad mansiones nostras detonsi et delavati, cum Drappis et calciamentis Depannatis.
Capitula Adalhardi cap. 52 :
Ut super alterius Drappum non sedeatur.
Vetus Charta exarata Conrado Rege regnante, in Tabulario Ecclesiæ Viennensis fol. 29 :
Et omnis substantia mea tam in vino quam in annona, et in auro atque argento, et in Drapis et vasculis, simul cum bobus et porcis, una cum meliore equo meo, et spata, et lancea, etc.
Chronicon Fontanellense cap. 16 :
Drapos albos 20. de quibus camisiæ 20. fieri possent. Drapus plumatus,
in Charta Heccardi Comitis Augustodun. apud Perardum in Burgundicis pag. 26. Adde Capitulare de Villis cap. 42. Novam Gall. Chr. tom. 3. col. 488. etc. Polypt. Irmin. Brev. 11. cap. 13.
les Bénédictins de St. Maur, 1733–1736.
Drappius vel Drappia. Instrument. ann. 771. Ampliss. Collect. tom. 1. col. 35 :
Ea scilicet ratione ut annis singulis ad Missam S. Salvatoris sex denarios valentes, aut in cora, aut in Drappiis aut in pecunia solvere debeam.
Drapa dixit Adrianus II. PP. apud Argentreum in Hist. Armor. lib. 2. cap. 22 :
Triginta camisias et 30. Drapas laneas variis coloribus tinctas.
les Bénédictins de St. Maur, 1733–1736.
Draperus, Eadem notione. Testamentum Seniofredi Comitis Barcinon. ann. 966. Marcæ Hisp. col. 887 :
Et alium meum mobilem quidquid habuero, quando migravero de hoc seculo, sive in argento, [] sive in pane et vino, sive in bestias majores vel minores, sive in Draperos, etc.
Drappale, Quidquid ad drappos pertinet. Formulæ veteres cap. 39 :
Aurum, argentum, Drapalia, æramen.
Ita in Form. 47. in Chartis Parensalibus 8. et 13. in Form. 7. ex Baluzianis, etc.
◊ Cæterum notanda formula, Estre des Draps de quelqu'un, apud Froissartem 2. vol. cap. 77. et in Arestis ann. 1401. et 1474. de eo, qui ex alicujus familia est, et illius liberationes seu livrées percipit. Speculum Historiale MS. Joann. Abb. Laudun. l. 10 :
A Lille i avoit un Chevalier, qui estoit dou païs de Pulle, et estoit aux Draps Robert de Flandres.
P. Carpentier, 1766.
◊ Charta ann. 1346. in Reg. 75. Chartoph. reg. ch. 530 :
Lequel Pierre Gaude estoit, si comme l'en disoit, clerc et familier et des Draps des religieux de S. Pierre d'Abbeville.
Alia ann. 1362. in Chartul. 23. Corb. :
Accordons auxdits religieux (de Corbie) que eux et leurs successeurs, leurs gens, familiers et serviteurs, estans à eulx, à leurs Draps et en pensions, etc.
Lit. remiss. ann. 1473. in Reg. 195. ch. 1159 :
Jehan le Bourrelier prestre... estant des Draps de la sainte Chappelle de nostre palais à Paris, etc.
Vide Roba.
les Bénédictins de St. Maur, 1733–1736.
Draperia, ut Drappus. Codex MS. reddituum Episcopatus Autissiod. circa annum 1290 :
Tela pelliparia, merces, Draperia, graingne, alnus, cuminum, cuprum operatum debent paagium, veluti aliæ res desuper nominatæ.
Chron. Parm. ann. 1304. apud Murator. tom. 9. col. 850 :
Cum omnibus fondechis, et mercationibus, et Drapperiis, et aliis mercadantiis.
P. Carpentier, 1766.
Draparia, Draperia, Pannorum textura vel officina. Charta Phil. Aug. ann. 1204. apud Fleureau in Hist. Bles. cap. 29. pag. 133 :
Hi etiam quatuor (ministeriales) custodient quod Draperia sit fidelis et bona.
Comput. ann. 1399. inter Probat. tom. 3. Hist. Nem. pag. 152. col. 2 :
Pro una coxa carnium salsarum pro Draperia... Pro uno edulo pro Draparia, vij. grossos. Pro caseo pro Draparia, iij. grossos. Drapperie
dicitur Vectigal, quod ex pannorum venditoribus percipitur, in Chartul. Latiniac. fol. 246. v° :
Ce sont aucunes fermes, qui estoient de prouffit à l'abbaye de Laigny ès foires de Champaigne et Brie à Laigny sur Marne. Premiérement la Drapperie vault ccccx. livres, etc.
les Bénédictins de St. Maur, 1733–1736.
Draperia, Locus ubi venduntur vel conficiuntur drappi. Charta Gervasiæ Dominæ Dinanni pro Abbatia S. Albini Ord. Cisterc. ann. 1236. in Hist. MS. ejus Abbatiæ per Guillelmum Gauthier :
Concessi... xii. lib. annui redditus, et eas assignavi omni anno recipiendas in Draperia Dinanni de primis redditibus meis.
Charta Edwardi I. Reg. Angliæ ann. 1299. apud Rymer. tom. 2. pag. 855. col. 2. de assignatione dotis Margaretæ Reginæ Angliæ :
Civitatem Wintoniæ cum Draperia et cum minutis firmis ac aliis pertinentiis suis. Scamnum Draperiæ,
Scamnum ubi Drappi venales exponuntur, in Charta Calomontis ann. 1399. Procuratio Gerundæ civitatis ann. 1289 :
Tota Universitas prædictæ civitatis Gerundæ congregati et congregata per preconem, ut moris est, in Draperia sive placea ejusdem civitatis... Acta sunt hæc in Draperia sive placea civitatis Gerundæ.
Sic videtur dictum Forum, quod in eo Drappi maxime venderentur.
Cum aliquis... iverit ad Draperium causa emendi vel vendendi pannos
, in Statutis Massil. lib. 2. cap. 40. § 2. []
Draperius, Drapperius, Drapporum mercator, nostris Drappier, Italis Drappiero. Curia Generalis Catalaniæ, acta in villa Montisalbi ann. 1333. sub Alphonso Rege Aragon. :
Ordinamus, quod quicumque mercator, vel Draperius, et eorum negotiatores seu factores, teneant commandas alterius, vel merces, etc.
Statuta Massil. lib. 2. cap. 40 :
De Draperiis : Constituimus quod omnes Draperii... jurent... pannos, quando ipsos vendent, extendere supra bancam non trahendo, sed extendendo de plano.
Plura ibi de Draperiis, ut et lib. 1. cap. 36. Statuta Arelat. MSS. art. 54 :
Statuimus quod Drapperii non sint ausi prohibere, aliquem sartorem recipere pannos in operatoriis suis causa emendi pro aliquo.
Pluries memorantur Draperii in Codice MS. reddituum Episcopatus Autissiod. semel in Maceriis Insulæ Barbaræ tom. 2. pag. 673. et alibi.
les Bénédictins de St. Maur, 1733–1736.
Drapparius, Textor drapporum. Charta Bernardi de Turre ann. 1308. apud Baluzium tom. 2. Hist. Arvern. pag. 783 :
Drapparii, ferrarii, et coyrarii, sutores sotularium pelliparii, tres denarios quilibet pro annata.
Draperius. Statuta Ordinis S. Joan. Hieros. cap. 19. § 37 :
Ubi statuta loquuntur de Draperio, is intelligitur, qui nunc magnus Conservator appellatur, qui Baillivus Conventualis est venerandæ linguæ Aragoniæ, Cataloniæ et Navarræ.
Recensetur inter 6. Majores Bajulivos Conventuales Ordinis, tit. 10. § 1. Illius officium describitur § 23 :
Draperius seu ejus locum tenens, interveniat et adsit contractibus pannorum, telarum, camelotorum et canavassorum pro soldeis solvendis : adsit quoque spoliis fratrum distribuendis.
Vide Trapus.
les Bénédictins de St. Maur, 1733–1736.
Draperarius. Statuta Equitum Theuton. art. 78. apud Duellium Miscell. lib. 2. pag. 60 :
Si missus fuerit alicui Fratri pannus qui sufficiat ad unam vestem, recipere potest, sed non retinere sine licentia Draperarii.
les Bénédictins de St. Maur, 1733–1736.
Draparia, Locus ubi servantur vel abluuntur Drappi seu vestimenta. Eadem Statuta art. 74 :
Quando vestes abluuntur, feruntur ad Drapariam.
Erit forte qui malit Drapariam intelligi mulierem abluendis Drappis seu vestibus occupatam.
© École des chartes.