FALCATA Prati, Quantum unus sector per diem falcare potest de prato, une Fauchée de prey non semel in Recensione bonorum publici valetudinarii Commerciaci in MS. Cod. ejusd. urbis f. 22. etc. Tabularium Ecclesiæ Gratianopolitanæ sub Hugone Episcopo fol. 28 :

Et pratum debet habere illam magnitudinem, ut per 3. dies jugiter 16. sectores operentur sine aliquo lucro.

Charta Richeri Abb. S. Valerici ann. 1219. in Tabul. Campaniæ :

Exceptis sex jugeribus terræ,... et exceptis sex Falcatis prati, ubi illas commodius poterimus invenire.

Tabularium S. Vitoni Virdunensis :

Habemus 4. quartarios alodii et 15. Falcatas prati, etc.

Ibidem :

In Formestor est mansus indominicatus culturæ, 3. prata ad Falces 30. piscatio per legas 3.

Regestum feodorum et servitiorum, in Camera Comput. Paris. f. 216 :

Lige de 12. Fauchées de pré, et demy arpent de vignes.

Chron. Besuense pag. 632 :

Inquisitione facta inventi sunt 52. jugera terræ, et 4. Falces de prato.

Pag. 676 :

Dederunt etiam quatuor Falces prati in suo broulo S. Sequani.

Et pag. 700 :

Addidit is et Falcem prati prope Arcionensem siti.

Adde pag. 114. ubi perperam editum facces pro falces, et pag. 624. Chronicon S. Benigni Divion. pag. 448 :

Est in Dornone unum pratum, quod possunt secare Falces centum.

Charta Gallica ann. 1566 :

Item un prey contenant douze Faulcyes ou environ, seant au ban de Gelocourt, etc.

Vide Sectura prati in Secare.