FALESIA, Gall. Falese. Sic Normanni nostri vocant maris editiores margines rupesque mare claudentes. Turnebus lib. 1. Advers. cap. 23. a Phalerum deducit, quæ vox apud Varronem lib. 3. de Re rustica, crepidinem quamdam significat. Sed id etymon improbat Jos. Scaliger, putatque a Fels vel Fales voce Germanica, quæ rupem sonat, petendum. Quid si a Phalis, vel Falis, quæ sunt turres editiores ? Hesychius : Φάλαι, φάλαιναι. Supra : Φάλαι ὃροι, σϰοπιαί. Ita restituunt viri docti. Will. Brito lib. 8. Philip. de Falesa oppido in Norman. :

Vicus erat scabra circumdatus undique rupe,

Ipsius asperitate loci Falesa vocatus.

Monasticum Anglic. tom. 2. pag. 165 :

Concessi, quod habeant largam, liberam et rationabilem viam super Falesiam Petrariæ per totam longitudinem dicti falesii.

Charta Petri D. Marleti ann. 1234 :

In domanio meo est medietas altæ Falesiæ ante Chautou.

Historia Bellorum Hierosol. MS. vernacula :

On ne puet le castiel assegier ke d'une part, pour çou ke il siet sour une haute Falise.

Balduinus de Condato MS. :

Tant soit fort li mur ne massis,

Ne en haut lieu et fort assis,

Et hostiaux sor Falise murée, etc.

Perceval apud Borellum :

Li chasteaux sur une Faloise,

Fu ferme par si grand richesse.

Vide Edw. Cokum ad Littletonem sect. 1.