FASCIATORIUM, Fascia qua frons sacro chrismate inuncta obvolvebatur, idem quod Chrismale. Reg. Bern. abb. Cassin. tom. 2. Hist. ejusd. monast. pag. 460. col. 1 :

Item ut rectores ecclesiarum monere debeant semper populum et præsertim parrochianos, quod per lavationem panni vel Fasciatorii compaternitatem non debeant contrahere, sed solum per baptismi et confirmationis sacramentum.

Quomodo etiam legendum, pro Fassatorium, ibid. pag. 465. col. 1 :

Item si aliquis per ablutionem Fassatorii seu panni compaternitatem contraxerit contra canonum instituta, etc.