FATIGIUM, Idem quod Fatigiæ. Glossar. Lat. MS. Regium Cod. 1013 : Anhelitus, suspirium, Fatigium. Visio Taionis :

Quumque ab eis interrogaretur, quam ob causam tam grande extaret Fatigium.

Perperam Fastigium scribitur hoc loco apud Isidorum Pacensem æra 680. ut et paulo infra :

Ut ejus remuneraret tam vastum Fastigium,

Fatigium est in edit. ann. 1729. Translatio S. Mennatis apud Marten. tom. 6. Ampl. Collect. col. 983 :

Si non fecerimus, incurramus nihilominus voti simul Fatigiique dispendium.

Occurrit præterea apud Elipandum Episc. Toletan. in Epist. ad Felicem Urgelitanum, Bedam in Chronic. lib. 2. cap. 18. ex Edit. Chiffletii, in Lege Longobard. lib. 1. tit. 30. § 6. apud Leon. Ost. lib. 3. cap. 28. Erkempertum in Hist. Longob. in Charta anni 908. apud Paschasium Radbertum in Epitaphio Walæ lib. 1. cap. 2. lib. 2. cap. 1. 11. Ughellum in Episcop. Bergomens. etc.