FEMINARE, Viris se subjicere, more feminarum, quod faciunt molles et subacti. Cælius Aurelian. lib. 4. Chron. cap. 9 :

Nemo enim pruriens corpus Feminando correxit, vel virilis veretri tactu mitigavit.

Collatio Legis Mosaïcæ tit. 3. Moyses dicit :

Qui manserit cum masculo mansione muliebri, aspernamentum est, ambo moriantur, rei sunt.

Ubi Levit. cap. 20 :

Qui dormierit cum masculo coitu femineo.

Constitutio Valentiniani, ibidem :

Omnes, quibus flagitiosus luxus est viri corpus muliebriter constitutum alieni sexus damnare patientia, nihilque habere discretum cum feminis, etc.