FENICIUM, a Græco φοῖνιξ, color ruber, unde Ovidio Phœniceæ vestes, eædem quæ purpureæ. Consultationes Zachæi Christiani et Apollonii Philosophi lib. 2. apud Acherium Spicil. tom. 10. pag. 65 :

Et si fuerint delicta vestra ut Fenicium, ut nivem dealbabo ea ; si autem ut coccum, ut lanam candidam efficiam. In Fenicio obscuritas peccatorum, in cocco mens cruenta signatur.

Hæc Zachæus, qui reddit Græcum Isaiæ 1. 8. φοινιϰοῦν, per Fenicium : melius scripsisset Phœniceum. Vulg. Interpres habet Coccinum. Jo. de Janua : Fenicium, Herba fullonum quæ nigram facit tincturam ; unde Esa 1. Si fuerint peccata nostra quasi Fenicium. Melius dixisset coccineam vel rubram.