« »
 
[]« Festivitas » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 453b. http://ducange.enc.sorbonne.fr/FESTIVITAS
FESTIVITAS, Festum, dies festus. Diarium belli Hussitici apud Ludewig. tom. 6. pag. 187 :
Condicta certæ Festivitatis die, populum eis junctum cum venerabili corporis Christi Sacramento, ad Tabor sonoris vocibus deducunt.
Concil. Toletan. XIII. inter Hisp. tom. 2. pag. 699 :
Si quis Episcoporum a Principe vel Metropolitano admonitus, designato sibi dierum rationabili ad veniendum spatio, sive pro Festivitatibus summis, Pascha scilicet, Pentecoste et Nativitate Domini celebrandis... ad constitutum diem venire distulerit.
Occurrit ibid. tom. 3. pag. 167.
les Bénédictins de St. Maur, 1733–1736.
Festivitas, Anniversaria defuncti commemoratio, in Observat. præviis ad Vitam S. Sturmii sæc. 3. Bened. part. 2. pag. 267 :
Quatenus hi eadem mirabilia divinæ operationis audientes, gratias divinæ Majestati referrent, et omnis jucunditas ipsius Festivitatis in ejus laude personaret.
Hæc sumsit Mabillonius ex Candido monacho qui ibid. habet :
Anniversariam Sturmis primi Abbatis fundatoris Monasterii Fuldæ memoriam, et omnium Fratrum nostrorum de hac luce defunctorum in natale S. Ignatii martyris Christi.... in Missarum celebratione, psalmodiis et oratione sancta celebrare sancivit.
Festivitates Feriales feminabus, non hominibus, in Charta ann. 1226. apud Roverium in Reomao pag. 253. ubi disquirit de festis istis femineis.
Festivitates Vendere. Decreta Calomani Regis Hungariæ lib. 2. cap. 43 :
Nullus Festivitates vendere præsumat,
id est, in festis diebus, ni fallor.
Festivitas Fracta, cum quis in die festo opus aliquod exegit, cujus forisfacti mulctam Archidiaconi ad se pertinere contendebant. S. Anselmus Cantuar. lib. 4. Epist. 99 :
Audivi quod Archidiaconus vester accepit homines meos quasi pro forisfactura fractæ Festivitatis, et de iis plegios accepit, nec ante eos voluit dimittere, quam plegios haberet, quod nec sibi nec alicui personæ licet super homines meos.
© École des chartes.