FIDIATOR, Glossarium mediae et infimae latinitatis, Du Cange et al.

« Fidiator » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 491c. http://ducange.enc.sorbonne.fr/FIDIATOR

FIDIATOR, Fidejussor, Sponsor, Hispanis Fiador. Vetus Charta apud Marcam lib. 5. Hist. Beneharn. cap. 24 :

Et ipsi posuerunt Fidiatores Arramon, Arnault, .... et Bernardus de Nay posuit Sicard d'Assat.... utrique in præsentia Gastonis, ut firma sit illa terra emptoribus, etc.

Alia apud eumdem lib. 5. cap. 24 :

Et si forte denuo querelam renovarent, aut in aliquo violentiam inferrent, per manum unius Fidiatoris centum solid. Morlanæ monetæ solverent, et damnum eis restituerent.

Vide eumdem lib. 4. cap. 20. Chartul. Eccl. Auxitanæ :

Et Leberonio et filius ejus Carbonels firmaverunt et dederunt Fidiatores.

Vide Fermes.

Fidiatura, Ipsa actio fidejubendi, fidejussio, Hispanis Fiadora. Charta Sancii Regis Aragoniæ, apud eumdem Marcam lib. 4. Hist. Beneharn. cap. 20. n. 1 :

Et si tantum non quæsierit Domnus Galindo stare in mea terra, quod ponunt istum illi Fidiatores in manus meas, antequam aliqua mala faciat, et sedeant soluti de Fidiatura.