FILCTALE. Bracton. lib. 3. tract. de Corona cap. 1 :

De Ballivis, qui faciunt cervisias suas, quas quandoque vocant Sothale, quandoque Filctale, ut pecunias extorqueant ab eis, qui sequuntur hundreda sua et baillivas suas.

Ubi Codex MS. Spelmanni habet Scotale et Fildale, quæ voces compotationis genus denotant, quod Vicecomitum Baillivi a suis Hundredariis, seu a suæ jurisdictionis incolis exigebant, conflata ut plurimum ex iis pecunia ; quod Henrici III. ætate sublatum docet idem Bracton. Confectæ autem ejusmodi voces ex ale, cervisia ; tametsi harum notionem non omnino planam fatetur Spelmannus, quem consule, si lubet, super etymis Saxonicis, quæ non plane arrident.