« »
 
[]« Filopares » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 499c. http://ducange.enc.sorbonne.fr/FILOPARES
FILOPARES, ait Salmasius, res dicuntur, quæ sunt filo pari, id est magnitudine et figura, lineamentisque formæ plane pares : filum enim idem omnino quod lineamentum, Græcis χαραϰτήρ, περιγραφὴ εἰδοῦς. Lucretius lib 2 :
Debent nimirum non omnibus omnia prorsum
Esse Pari Filo, similique affecta figura.
Ita etiam filum usurpant Plautus et A. Gellius. Anastasius in Gregorio III. PP. pag. 72 :
Quas (columnas) statuit circa Presbyterium ante Confessionem, tres a dextris, et tres a sinistris, juxta alias antiquas sex Filiopares.
Ubi alii Codd. habent philopareas. Idem in Gregor. IV :
Albas majores numero 29. Alabandinas [] majores numero 20. albas modicas habens circum capitis coronam diverse Filopares.
In Leone III. pag. 122 :
Item velum alythino rotatu habens periclysin rotas cum cancellis, et in medio crucem cum gemmis, et 4. rotas de Tyrio Filopares.
In Leone IV :
Gabatas de argento purissimo numero 6. tres quidem Filopares signo Christi, etc.
© École des chartes.