FITUR, pro Fit, apud Fredegarium Scholast. in Chron. cap. 35. 83. Occurrit etiam pluries in Monetis Franciæ Regum 1. Stirpis apud Bouteroue pag. 185. 346. 357. 361. 371. Fiebatur, apud veterem Interpretem Juvenalis Sat. 4. Fietur, pro Fit, in Chronico inedito apud Petrum Lambecium lib. 2. Commentar. de Biblioth. Cæsarea pag. 851. Fiatur, in Epist. Sigeberti Regis ad Desiderium Episc. Cadurcensem tom. 1. Hist. Franc. pag. 887. Fiere, pro Fies, apud S. Augustin. Ita usurpabant veteres, Facitur apud Nonium, possetur apud eumdem, potestur apud Lucretium lib. 3. et Diomedem, poteritur, in Inscript. quæ exstat in Roma subterranea tom. 1. pag. 204.