Flasca. Isidorus lib. 20. cap. 1. et ex eo Papias : Flascæ, a Græco vocabulo dictæ. Hæ pro vehendis ac recondendis phialis plurimum factæ sunt ; inde et nuncupatæ sunt. Postea in usum vini transierunt, manente Græco vocabulo, unde et sumpserunt initium. Ordericus Vitalis lib. 10. pag. 775 :

Oppidani Flascas prunis ardentibus plenas desuper dimittant.

Freder. Schannat. Vindem. Litter. pag. 9 :

Flasca una argentea deaurata, cuppa una argentea deaurata, etc.

Flascula, diminut. a Flasca. Idem Vitalis lib. 4. ex Vita S. Guthlaci cap. 30 :

Binas Flasculas celia impletas.

Vetus Scriptum de Ecclesia Bremensi, de Carolo M. :

Ac Flasculam ejus argenteam deauratam, imaginibus diversis bene redimitam.

Monasticum Anglic. tom. 2. pag. 223 :

Flasculas ligneas deauratis barris et cera ligatas vini sub specie, auri tamen plenas.... fertur transmisisse.

Flasculus, Idem. Vita S. Bern. Maii tom. 5. pag. 268. * :

Duos Flasculos vini pro eleemosyna transmisit.

Flasco, Eadem notione. Gloss. Anglo-Sax. Ælfrici : Flasco, Buteruc. Cambro-Britannicum Lexicon : Flacced, Lagena, uter. Lexic. Gr. MS. Reg. Cod. 930 :

Κιμίσσιον, φλασϰίον, ϰαὶ ποιμηνιϰὸν ποτήριον. Φλασϰίον,

eadem notione in Vita S. Marci Atheniensis n. 3. Monachus Sangallensis lib. 1. cap. 25 :

Qui adsumpto prægrandi Flascone, cellarium Bromii vel Ditis illius irrumpens, etc.

Vita S. Remigii, et Flodoardus lib. 1. Hist. Rem. cap. 15 :

Vas, quod vulgo Flasconem vocant, vini a se benedicti plenum dedit.

Liber 1. Miraculor. S. Richarii cap. 2 :

Rogavit suos, ut præpararent cuneos et malleos, quatinus in crastino Flascones et quæcumque essent necessaria, inde fierent.

Charta Chilperici Regis, in Actis Episcop. Cenoman. pag. 107 :

Solvat in Cœna Domini plenum modium de ovis, et plenos Flascones paratos de vino optimo.

Adde pag. 251. Translat. S. Glodesindis sæc. 4. Bened. part. 1. pag. 446 :

Vasculum, quod in modum Flasconis parvuli (butticulam appellant) vacuum et siccum dependebat.

Occurrit præterea apud S. Gregor. l. 2. Dial. cap. 18. Ardonem Mon. in Vita S. Benedicti Anianæ Abb. n. 28. Ordericum Vital. lib. 6. pag. 599. Odonem Cluniac. l. 1. de Vita S. Geraldi cap. 29. lib. 2. cap. 21. Paulum Diaconum Emeritensem lib. de vita et miraculis Patrum Emeritensium in S. Renovato, Walafridum Strabum de Vita S. Othmari cap. 8. Joannem a Leidis lib. 1. cap. 27. Florent. Wigorn. pag. 544. Paulum Venetum lib. 1. cap. 59. Thwroczium cap. 88. in Hist. Merovingica pag. 592. in Monastico Anglic. tom. 1. pag. 104. etc.