« »
 
FLETA 1, FLETA 2.
[]« 1 fleta » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 523a. http://ducange.enc.sorbonne.fr/FLETA1
1. FLETA, Species navis minoris, Gallis alias Flete. Chartularium S. Vandregisili tom. 1. pag. 978 :
Et poterunt batelli et Fletæ dictorum Religiosorum libere et pacifice descendere supra terram meam.
Vox, ut videtur ejusdem originationis, ac subsequens. Lit. remiss. [] ann. 1410. in Reg. 165. Chartoph. reg. ch. 124 :
Lesquelz compaignons alerent d'un commun accort en une Flette en la riviere de Seine. Quiconques mayne Flette, basteau, navyre ou nasselle par la riviere de Marne,
in Chartul. Latiniac. fol. 242.
© École des chartes.
[]« 2 fleta » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 523b. http://ducange.enc.sorbonne.fr/FLETA2
2. FLETA, Fletum, Æstuarium, fluentum, seu canalis, quem aqua fluens et refluens occupat, a Sax. fleot, æstuarium, fleotan, fluctuare, natare.
Fleta. Charta ann. 5. Henrici VIII. apud Spelman. :
Extendit se in longitudine a communi via... usque ad Fletam de Ee versus Austrum.
Fletum. Charta ann. 1240. apud W. Thorn. in Ch. pag. 1889 :
Item pro bono pacis concessum a Priore et Capitulo antedictis, quod de cætero ad Fletum de Menstre per flumen de Sandwico liber sit accessus per navigium, et recessus, hoc adjecto, quod si in ipso flumine ante dictum Fletam aliqua navis vel negotiandi, seu merces alias transferendi causa se ibidem exoneraverit, etc.
Et mox :
In Fleto autem antedicto nihil juris de cætero vindicabunt.
Fleta, Carcer Londoniensis, The Fleet, Anglis, et a præterlabente torrente, seu fluviolo, sic nuncupatus. Gaolæ de Fleete meminit Statutum 2. Westmonasteriense cap. 12. Prisonæ de Fleete, Fleta lib. 2. cap. 30. Ab hoc carcere dictus auctor libri, qui Fleta inscribitur, quod ab aliquo e Justitiariis, qui ob crimen repetundarum in eum carcerem conjecti sunt sub Edwardo I. in eo carcere exaratus sit, ut censet Seldenus, qui hanc in rem Dissertationem edidit quam legere est inter ejusdem Opera edit. Londin. ann. 1726.
© École des chartes.