FLORENI, Glossarium mediae et infimae latinitatis, Du Cange et al.

FLORENI, Monetæ aureæ Florentinorum, apud quos cudi primum cœpere ann. 1252. titulo 24. ceratiorum, quorum octo unciam conficiebant. In una horum parte insculptus fuit flos lilii, unde Monetæ nomen inditum, in altera effictus S. Joannes Baptista. Ita Joann. Villaneus lib. 6. cap. 54. et Ricordanus Malaspinus cap. 152. Florenus de Florentia, in Charta ann. 1350. in Probat. Hist. Turenensis pag. 90. cujus pretium erat tunc temporis 10. solid. Paris. Florenus de Florentia boni auri, in Charta anni 1375. inter Instrum. tom. 4. novæ Gall. Chr. col. 214. Flourins de Flourenze, in Litteris Philippi VI. Franc. Reg. ann. 1330. tom. 2. Ordinat. pag. 56. Denarii Floreni, Rythmi in obitum Henrici VII. Imp. :

Paulinum quemdam variis

Corrumpit cum Denariis

Quampluribus Florenis,

Ut principem piissimum

Monarcham potentissimum

Inficiat venenis.

Infra :

Te cæcum cæci muneris

Præcipitant Floreni.

Aureum numisma Florentinum, apud Joannem Hocsemium in Episcopis Leodiensib. cap. 20.

P. Carpentier, 1766.

◊ Errare Villaneum in anno quo primum cudi cœperunt Floreni, docet nos D. Le Blanc in Tract. de Monet. pag. 154. ubi Florenorum mentionem fieri testis est in Charta ann. 1068. Florin de Florence pour treize soulz Par. in Charta Phil. V. ann. 1319. ex Reg. 59. Chartoph. reg. ch. 212. Alia ann. 1336. in Chartul. eccl. Lingon. ex Cod. reg. 5188. fol. 103. v°.

Computato videlicet Floreno de Florentia pro tresdecim solidis Turon. parvorum. Florence

, pro Florenus, in Charta ann. 1404. ex Reg. 158. ch. 451 :

Icellui viconte de Thouars tendra sa dite terre et seignourie de L'ille de Ré d'icellui seigneur roy à foy et hommage lige, à cause du chastel de la Rochelle, et au ressort et souveraineté acoutumez, à une Florence ou maille d'or, ou la valeur d'icelle, pour tout devoir de rachat ou d'abonny, ou d'autre devoir de fief à muance de vassal.

◊ Hinc fere monetis aureis cæteris Floreni indita appellatio. In Computo Thesaurariorum Franciæ ann. 1316. in Camera Comput. Paris. Florenus æstimatur 14. solid. Florenus de Florentia 12. sol. Paris. Florenus ad macam 22. sol. Paris. Florenus ad mutonem 14. sol. Paris. Florenus ad agnum 11. sol. Paris. ann. 1332. Florenus ad cathedram 24. sol. Par. ann. 1347. Florenus ad scutum 36. sol. Paris. ann. 1343. Florenus regalis 28. sol. Paris. ann. 1328. Florenus S. Georgii 20. solid. Turon. ann. 1346.

Floreni de Florentia, Floreni de agno, et Floreni de mas

, seu ad massam, occurrunt etiam apud Will. Thorn. pag. 2037. ubi perperam floreus, pro Florenus interdum scribitur. Floreni Colonienses, apud eumdem pag. 2194.

◊ Tradit idem Villaneus lib. 9. cap. 170. Joannem XXII. PP. Florenos aureos cudisse circa annum 1322. similes pondere, lege et forma Florentinis, præterquam quod qua parte effictus erat S. Joannes Baptista, in circulo illius nomen descriptum legebatur, ad latus vero S. Joannis efficta erat mitra Papalis. In partis autem, ubi lilium erat, circulo, descriptæ erant hæ voces :

S. Petrus, S. Paulus.

Ex hinc Marchione Monferratensi, Spinolis Genuensibus, et aliquot aliis Italicis Principibus, Florenos perinde aureos Florentinis similes cudere aggressis, sub anathematis pœna id interdixit idem Pontifex mense Decemb. ann. 1324. ut idem Scriptor tradit lib. 9. cap. 279. Floreni vero isti Pontificii, Floreni auri de Camera appellati : quæ nomenclatura occurrit in Charta ann. 1378. in Historia Turenensi pag. 117. et in alia ann. 1485. apud Hemeræum in Augusta Viromand. pag. 335. Hos Robertus Cenalis lib. de Ponder. et Mensur. vocat

Novellos Ducatos Papales seu de Camera. Aureorum de Camera

meminit etiam Leonardus Portius lib. 1. de Ponderib. ac Mensur. pag. mihi 29.

les Bénédictins de St. Maur, 1733–1736.

◊ Invaluit quoque in Provincia usus et cursus florenorum Pontificiorum, ad quorum formam alii cusi videntur a Regibus Provinciæ, ut discimus ex pluribus Chartis, unde et cujus pretii fuerint æstimare licet. Charta ann. 1365. in Tabular. civit. Massil. :

Quod Floreni auri boni Florentiæ et Floreni Cameræ domini nostri Papæ, Lucati et Jannini auri boni, fini, et justi ponderis currant et cursum habeant in civitate Massiliæ pro illo valore quo fuerunt afforati, videlicet ad 34. solidos pro quolibet : alias vero pecunias auri nullus cogatur eas recipere nisi sua libera voluntate.

Charta Massil. exarata ann. 1410. inter Schedas Præsid. de Mazaugues :

Pro pagamento Florenorum auri 4000. quorum quilibet in valore pro sexdecim Provincialium solidis computatur.

Alia ann. 1438. apud eumdem Præsid. :

Causa arreiragiorum ipsius talliæ in Florenis quadraginta valoris ipsorum quodlibet solidorum Provincialium sexdecim nunc currentis monetæ.

Infra :

Florenos de Rege quinque valoris quilibet ipsorum solidorum sexdecim monetæ Provincialis.

les Bénédictins de St. Maur, 1733–1736.

◊ Pontificiis florenis florenos etiam similes cudendos curarunt Dalphini Principes, cum hoc tamen discrimine. Ex una marca 65. floreni Dalphinales, 64. pontificii cudebantur. Deinde loco mitræ papalis in effigiei S. Joannis Bapt. humero dextero insculptus erat Delphinus, et in circulo alterius partis

pro S. Petrus, S. Paulus, legebatur Guigo Dalphinus. Hæc discimus ex Hist. Dalphin. tom. 1. pag. 291. et tom. 2. pag. 214. Anno 1334. valebat Florenus Dalphin. I7. sol. ut dicitur ejusdem Hist. tom. 2. pag. 495. anno vero 1339. 38. sol. computato, tunc temporis,

Floreno de cugno et pondere Florentiæ pro 41. sol. dictæ monetæ

, tom. 1. pag. 96. Superabant ergo floreni de Florentia florenos Dalphinales, et 50.

Flor. de Florentia valebant 52. Fl. Dalphin

. tom. 2. pag. 285. Ejusdem tomi pag. 275. legimus, c. Flor. sunt unciæ xxvi. ex quo conficitur, unum florenum fuisse quartam circiter partem unius unciæ.

◊ Sed præsertim id nominis attributum monetis aureis Regum Francorum, quas vulgo Denarios appellabant, addita notarum quarumdam, quibus a se invicem distinguebantur, nomenclatura. Hinc, quos denarios ad Agnum, seu

ad Mutonem, ad Massam, ad Cathedram, ad Scutum

, vocant Statuta Regum nostrorum, Floreni ad Agnum, etc. dicuntur in veteribus Chartis.

Fleurins à l'Angelot

, in Instrumento anni 1342. Chartul. S. Vandreg. tom. 2. pag. 1681. Vide tom. 2. Ordinat. Regum Franc. De singulis agimus in verbo Moneta.

P. Carpentier, 1766.

Floreni ad Aquilam. Charta Joan. reg. Franc. ann. 1350. in Chartul. 23. Corb. :

Cum judex.... capi fecisset Robertum le Bel.... pro suspicione allocationis Florenorum ad Aquilam, etc.

Floreni Blavii, in Chronico Windesemensi lib. 1. cap. 32 :

Centum Florenos Blavios dicebatur accepisse.

P. Carpentier, 1766.

Floreni de Camera, vulgo Florins de chambre, Papales. Lit. remiss. ann. 1460. in Reg. 192. Chartoph. reg. ch. 86 :

Par le Pape Nicolas, lors presidant en l'Eglise, fut, parties oyes, dit : mal appellé, et ledit de Bresons condempné en quatre cent Florins de Chambre de despens.

Nihil itaque emendandum est in Mandat. ann. 1405. tom. 9. Ordinat. reg. Franc. pag. 64. Vide supra ad lineam Tradit idem Villaneus, etc.

P. Carpentier, 1766.

Floreni ad Catum, seu felem ; Fleurin au chat, in Lit. remiss. ann. 1458. ex Reg. 189. Chartoph. reg. ch. 258.

P. Carpentier, 1766.

Floreni Gallicani. Charta ann. 1369. in Chartul. Rich. abb. S. Germ. Prat. fol. 20. r° :

Mediante summa octoginta Florenorum auri Gallicanorum, Frans nuncupatorum.

P. Carpentier, 1766.

Floreni dicti Guillermus, in Lit. remiss. ann. 1459. ex Reg. 188. Chartoph. reg. ch. 84 :

Icelle femme se print à rongner et copper aucunes pieces d'or, comme cliquart, que on dit Florins Guillermus, et autres pieces d'or aians cours ou pais de Boullenoys.

Vide mox

P. Carpentier, 1766.

Floreni Hannonienses, etc. Lit. remiss. ann. 1377. in Reg. 111. Chartoph. reg. ch. 195 :

Florins de Haynau, appellez Guillelmus, qui avoient cours pour un florin franc de nostre coing et un tiers de franc la piece ; florins de Cambray soubz la fourme de France de nostre coing ; florins de Brabant, appellez doubles moutons, autres appellez nobles d'Angleterre ; florins à l'escu de Flandres ; florins contrefais aus florins appellez Guillelmus de Haynaut ; autres florins, appellez francs à pié, contrefais aus nostres à différence de Waleran et Guido ; florins Guillelmus et Guido, et florins contrefais soubz fourme d'escus à différence de Waleran, et autres florins au mouton de Lincourt.

P. Carpentier, 1766.

Floreni Lati, apud Christ. Schlegel. in Dissert. de Numm. antiq. etc. pag. 28.

P. Carpentier, 1766.

Floreni Parvi. Chartul. Corb. sign. Ezechiel ad ann. 1423. ult. Sept. fol. 202. r° :

La somme de soixante flourins du pays (Lille, Namur, Louvain) que on dit Petis Flourins ; c'est assavoir, trois viés escus d'or de bon pois, pour quatre des petits Flourins dessusdis.

P. Carpentier, 1766.

Floreni nuncupati Pietres, Iidem, ni fallor, qui Parvi. Comput. Ms. fabr. S. Petri Insul. ann. 1473 :

Item de oblationibus factis in die Veneris sanctæ,..... una cum tribus Florenis, Gallice Pietres, ..... xvj. lib. x. sol.

Nisi forte iidem sint atque

P. Carpentier, 1766.

Floreni Postulati, in altero ejusd. fabr. Comput. ann. 1460 :

Sex Floreni, nuncupati Postulati, valentes octo libras, duos solidos.

Vide infra Postulatus.

P. Carpentier, 1766.

Floreni Regales, qui et de Rege, Typo regio insigniti. Charta ann. 1328. 9. Jan. in Tabul. Carnot. :

Moyennant le prix de 4050. Florins Royaux pour 28. sols Par. chacun florin.

Acta Fil. ad ann. 1437. apud Gassend. in Notit. eccl. Diniens. pag. 70 :

Reditus sacristiæ non excedere 60. Florenos de Rege, seu libras 48. Turon. cum tamen impensæ faciendæ excedant summam 80. Florenos de Rege, seu libras Turon. 69.

Inventar. Chart. monast. Athanat. ann. 1519. fol. 12. v° :

Instrumentum anni 1486. pensionis annuæ xxv. Florenorum monetæ regiæ, quolibet Floreno valente xviij. albos magnos regios, sive solem, etc.

les Bénédictins de St. Maur, 1733–1736.

Floreni Rhenenses, in Ecclesia Coloniensi tom. 3. novæ Gall. Christ. col. 789. et col. 790.

P. Carpentier, 1766.

Iidem Rhenani, apud Christ. Schlegel. in Dissert. de Numm. ant. pag. 69. Obituar. Ms. eccl. Camerac. fol. 54. r° :

Ex quibus anno quolibet recipiuntur decem Floreni Renenses.

Comput. Ms. fabr. S. Petri Insul. ann. 1473 :

Item in die Paskæ ab eodem dom. duce ex osculo reliquiarum magni altaris, tres Florenos Renenses, vj. lib. vj. sol.

Vide infra Renensis Aureus.

P. Carpentier, 1766.

◊ De Florenis præterea consulendus Tractatus, qui inscriptus est :

Il fiorino d'oro antico illustrato

edit. Florent. ann. 1738. ubi plures exhibentur floreni a Raimundo principe Arausion. Humberto dalph. Archiep. Arelat. et aliis cusi. Hinc etiam emendandus Cangius in

Trevisini Solidi de Flore, in Bulla Honorii III. ann. 1220. pro Episcopo Tarracinensi apud Ughellum, ex Charta ann. 1203. pro monasterio Fossænovæ relata in Bulla Honor. III. ann. 1220. ubi non Trevisini legitur, sed Prebisini, forte pro Provisini, ut habet Inscriptio sepulcralis ann. 1331. apud eumd. Ughell. pag. 118.

les Bénédictins de St. Maur, 1733–1736.

Florinus, pro Florenus non semel occurrit in Regest. 87. Chartophylacii regii.

◊ Φλωρίον, Græcis nuperis. Raphaël Hieromonachus apud Crusium pag. 131 :

Ὅπου ἔταξε ταῖς δύο χιλιάδες τὰ φλωρία.

Vide Meursium et Gloss. med. Græcit. col. 1685.