FŒDERATI, generatim dicti e barbaris populis, qui Romanis merebant : unde a Militibus, qui proprie Romani sunt, distinguuntur in Novella Valentiniani de Reddito jure armor. :

Magister militum Sigisvultus tam militum, quam Fœderatorum tuitionem urbibus ac littoribus non desinet ordinare.

Adde Julianum Antecess. cap. 387. Procop. lib. 1. Vandal. cap. 11. qui præterea Fœderatorum meminit cap. 19. et lib. 3. Goth. cap. 31. 33. Harmenopulum lib. 4. tit. 12. etc. Maxime vero Gothi, qui a Constantino M. primum conducti, inde nomen Fœderatorum sortiti sunt. Jornan des de Rebus Geticis, de Gothis, pag. 102 :

Qui fœdere inito cum Imperatore (Constantino) 40. suorum millia illi in solatia contra gentes varias obtulere, quorum et numerus, et militia usque in præsens in republica nominantur, id est, Fœderati

. Infra :

Militiaque, illa dudum sub Constantino Principe Fœderatorum renovata, et ipsi dicti sunt Fœderati.

Gothorum Fœderatorum præterea meminit pag. 112. 115. ut Sidon. lib. 1. Epist. 8. lib. 2. Epist. 13. Procopius lib. 1. Vandal. cap. 11. 19. lib. 4. Goth. cap. 5. Olympiodorus apud Photium pag. 179. Malchus in Eclog. de Legat. Glossæ Basil. et Suidas v. Φοιδεράτοι, etc. His qui præerat, Comes Fœderatorum dictus, de qua dignitate, supra egimus.