« »
 
[]« Folgare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 539a. http://ducange.enc.sorbonne.fr/FOLGARE
FOLGARE, Fulgare, Saxonibus Folgian, est sequi : est igitur Folgare, sistere se in aliquo contubernio, friborga, seu fidejussione, tradere se alicui in clientelam : servire, sequi, sectari. Leges Aluredi cap. 33. 37. :
Si quis ab una mansione ad aliam transire velit, fiat hoc testimonio Aldermanni, in cujus Comitatu prius Fulgavit.
Leges Adelstani cap. 6. 8. :
Ne aliquis recipiat hominem alterius sine licentia ipsius, cui prius Folgavit, nec intra marcam, nec extra.
Folgarii, Clientes, qui alicujus clientelæ vel servitio sese addicunt ; famuli, qui focis propriis carent aut sub stipendio et servitii alicujus præstatione possident. Leges Canuti cap. 40. sæcul. 20. :
Sit heordfeste, sit Folgarius, sit in hundredo.
Leges Henrici I. cap. 8 :
Bis in anno conveniant in hundredum suum quicumque liberi tam hudefest, (leg. heordfest, vel hyrderefest) quam Folgarii, ad dinoscendum.... si decaniæ plenæ sint, vel qui, quomodo, qua ratione discesserint, vel qui supervenerint, etc.
Bracton. lib. 3. tract. 2. cap. 10 :
In francoplegio debet esse omnis, qui terram tenet et domum, qui dicuntur Husfastene, et etiam alii, qui aliis deserviunt, qui dicuntur Folgheres, quia nec debet quis a se repellere servientem suum, antequam purgatus sit de omni calumnia, unde prius fuit calumniatus.
Quibus in locis Hirderefest, et Husfastene (quæ voces patremfamilias significant) opponuntur Folgariis, seu clientibus.
les Bénédictins de St. Maur, 1733–1736.
◊ Est etiam Folgen apud Alemannos, ut observat Schilterus in Gloss. Teuton. vox juris feudalis, quæ investituram petere, renovare, atque etiam persecutionem rei feudalis significat. Vide Jus Feud. Alem. cap. 16. et 121. et Grimm. Antiq. Jur. German. pag. 5. Nec aliunde f. repetenda vox Forchele, vel potius, Folchele, qua nostri vassallum denotant qui statuto die censum annuum domino capitali non persolvit ; quam ob rem mulctæ pecuniariæ obnoxius fit. Charta ann. 1291. inter Ordinat. Reg. Franc. tom. 3. pag. 294 :
Se il estoit Forcheles, soixante solz pour l'amende, ou l'eswart du Majeur et de Eskevins devant diz.
© École des chartes.