1. FORESTERIA, Jus, albanatus, nostris, Droit d'aubeine, quod dominis in bonis advenarum competit. Italis Foresteri sunt advenæ. Charta Guilielmi Regis Siciliæ ann. 1179. apud Ughellum tom. 7. pag. 704 :

De platia autem, Foresteria, et bando, sit ita ipsa Ecclesia libera... sicut est, et in qua manet Ecclesia prædicti Episcopii.

Infra :

Donamus et concedimus perpetuo dictæ Ecclesiæ totam Foresteriam hominum ipsius Ecclesiæ, quam de eis habere debemus. Concedimus etiam ipsi Ecclesiæ, ut nullus bajulorum seu foresteriorum nostrorum vel hæredum aut successorum nostrorum de hominibus Ecclesiæ pro aliquibus distringendis vel molestandis, se nullatenus intromittat.

Adde pag. 715. Vide Estrajeria.