« »
 
[]« Forisconsiliare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 558a. http://ducange.enc.sorbonne.fr/FORISCONSILIARE
FORISCONSILIARE, Forconsiliare, Forsconsiliare, Male consulere, malum consilium dare. Vitam vel honorem alteri, aut alterum in vita vel honore Forconsiliare dicebatur, qui malo consilio in illius vitam vel honorem machinabatur. Capitularia Caroli C. tit. 8. et Annales Franc. Bertiniani ann. 851 :
Ut nemo suo pari suum regnum, aut suos fideles, vel quod ad salutem et prosperitatem ac honorem regium pertinet, discupiat, aut Forconsiliet.
Capitularia Caroli C. tit. 26 :
Adjutor ero ad regnum illorum continendum, et nec in vita, nec in membris, neque in regno illorum eos Forisconsiliabo.
Occurrit ibi non semel, et in Annalib. Franc. Fuldensibus ann. 860. ubi verum consilium opponitur Forconsiliationi.
◊ Atque inde, in hominiis, vassalli dominis bona fide consilium daturos esse pollicebantur. Hominium Guillelmi de Petrapertusa, præstitum Simoni Comiti Montisfortis ann. 1217. in Tabulario Carcassonensi fol. 10 :
Vobis, Domine Simon, promisi, quod contra inimicos vestros vobis bona fide dabo consilium, auxilium tenebo et favorem, etc.
Aliud Raymundi Peleti ann. 1220 :
Juro etiam vobis, quod non ero in Consilio vel favore, quod vos amittatis vitam, vel membra, vel vitam, etc.
Vassallus igitur qui contra ejusmodi sacramentum, seu hominium, hostibus domini sese adjungebat, Forisconsiliare dicebatur. Forconseiller nostri etiam dixere. L'Ordene de Chevalerie d'Hues de Tabarie MS. :
Dame ne doit ne Damoiselle
Pour nule rien Fourconsillier,
Mais s'eles ont de lui mestier,
Aidier leur doit à son pooir.
Robertus Bourronus in Historia MS. Merlini :
Merlin qui moult estoit sages et boin conseil, ne onques ne Forconsilla.
Apud Froissartem 4. vol. cap. 86. perperam editum Fortconseillé pro Forsconseillé :
Et remonstra ce propos doucement et sagement au peuple, qui estoit Forconseillé et accueilli de mal faire.
Vide Stabilimenta S. Ludovici lib. 1. cap. 61.
© École des chartes.