FORMARIUS, Glossarium mediae et infimae latinitatis, Du Cange et al.

« Formarius » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 565b. http://ducange.enc.sorbonne.fr/FORMARIUS

FORMARIUS, Dignitas in Monasteriis, Qui in bonis sit forma, ut loquitur S. Ferreolus in Regula cap. 17. unde nomen, id est, qui cæteris Monachis vitæ suæ ratione præluceat, seu potius qui Monachorum spiritualitati invigilet :

Senior, qui aptus sit ad lucrandas animas, qui super

Monachos

omnino curiose intendat et sollicitus sit

, ut in Regula S. Benedicti cap. 58. Pere Spirituel. S. Ferreolus dicto cap. :

Nam post ipsum, quem diximus, Præpositum, qui in bonis sit forma, statuimus regularem formare Formarium : ut facilius adjutorio illo subjuncto Abbas, cui nomen Pater est, uberes fructus metat de perfectione dulcium filiorum, etc.

Formaria, Eadem dignitas in Monasteriis feminarum, quæ Formarii in virorum. Regula S. Cæsarii ad Virgines cap. 37 :

Si quis vero germanam suam, vel filiam, aut quamlibet parentem..... videre voluerit, præsente Formaria, vel qualibet seniore, ei conloqui non negent.

Adde cap. 39. et Regulam S. Donati cap. 4. 12. Laurent. in Amalthea ex Passeratio :

Formaria, Magistra novitiarum.