FORMICANS et vermiculus pulsus, Μυρμιϰίζων, σϰωληϰίζων σφυγμός, inordinatorum pulsuum apud Medicos species, quorum primus dicitur a formica, quod is velut formicæ super digitos, alter quod ut vermis motus sentiatur ; uterque mortis indices. Magister Egidius de Corbolio, qui sub Philippo vixit, lib. de Pulsibus :

Sunt gemini pulsus, Formicans, vermiculosus,

Æstivis potius in febribus, et peracutis,

Mortis præcones fidi, reserantque sepulcra.

In febre Formicans, pulsu vermiculante verendus,

Non redit ad melius, sed vitam morte soporat.

Vide Gorræum, et supra Formicalis. Plinius ipse 7. 51. dixit, Percussu Formicante venarum.