FRAGIARIA, An mulier, quæ Fragias seu fimbrias ecclesiæ ornamentis assuebat, vel ipsa ornamenta seu vestes ecclesiasticas fragiatas, id est, laceras reficiebat ? Pactum inter Rob. II. ducem Burg. et capit. eccl. Cabilon. ann. 1290. inter Probat. tom. 2. Hist. Burg. pag. 78. col. 2 :

Concedimus quod mulieres viduæ dictæ ecclesiæ, quæ Fragiariæ vocantur, non teneantur de cetero ad solutionem octo denariorum cuilibet foco impositorum.

Vide mox Fragiatus. An legendum est Frugiaria, quæ ecclesiæ eleemosynis fruitur ? Vide Frugiare.