FRANCHIUS, Francus, Immunis a præstationibus et servitiis ; quod de terris earumve possessoribus promiscue dicitur. Libert. Brianc. ann. 1343. tom. 7. Ordinat. reg. Franc. pag. 727. art. 11 :

Exceptis rebus, quas forsitan Franchias tenerent.

Ibid. art. 12 :

Nobilibus tamen et Franchiis, qui venirent ultra dictum numerum ad dictas cavalgatas, etc.

Et pag. 729. art. 19 :

Concessit et declaravit, quod quæcumque personæ dictæ bailliviæ, modernæ et futuræ, res suas, quas tamen Franchias habent et habebunt, possint quicumque voluerint in emphiteosim vendere, pro libito voluntatis.