« »
 
[]« Frontaria » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 616a. http://ducange.enc.sorbonne.fr/FRONTARIA
FRONTARIA, Fronteria, Gall. Frontiere, Regni aut Provinciæ cujuslibet limites. Lucas Tudensis æra 1273 :
Catholici viri strenui de Frontaria Maurorum, etc.
Charta Raimundi D. Alesti ann. 1217. in 30. Regesto Tabularii Regii Ch. 20 :
Et vos haberetis guerram in [] Frontaria nostra, etc.
Occurrit præterea in Testam. Ranimiri Regis Aragon. æræ 1099. apud Innocentium III. in Epist. edita a Catello in Comit. Tolosan. pag. 258. Petrum de Vineis lib. 2. Epist. 58. Acherium Spicil. tom. 10. pag. 244. Marten. tom. 2. Anecd. col. 1393. D. Secousse tom. 3. Ordinat. pag. 210. et 296. Menester. Hist. Lugd. pag. 135. etc. Vox Agrimensorum recentiorum, quibus Frons agri ea pars dicitur, quæ obversatur agro alteri. Jacobus I. Rex Aragon. in Foris Oscæ ann. 1247. fol. 31 :
Et adhuc debet cum suis expensis mundare ipsum publicum meatum, ut aquæ inde transire valeant libere, quantum Frontaria, sive afrontatio suarum domorum tenuerit.
Charta Aldefonsi Reg. Castellæ ann. 1181. apud Baluz. Histor. Tutel. col. 493 :
Cum ingressibus et egressibus, cum terminis et Frontariis, etc.
Fronteram Tenere dicitur Princeps, qui castra sua in finibus principatus contra hostes suos locat, tenet, et iis sese opponit. Charta Aldefonsi Regis Aragon. apud Martinezium in Hist. Pinnatensi lib. 5. cap. 24 :
Quod fecit mihi cum suis Abbas S. Joannis apud Monregal, quando ibi tenebamus Fronteram, etc.
Speculum Historiale MS. Joannis Abbat. Laudun. scriptum ann. 1388. lib. 11. cap. 5 :
Puis il lui commanda, qu'il prinst deus cens hommes, et allast à S. Omer, et illec Tenist la Frontiere contre les Flamens.
les Bénédictins de St. Maur, 1733–1736.
Fronteria, id quod Justiniano lib. 2. Institut. tit. 1. § 22 :
Modus latitudinis cujuscumque fundi, quæ prope ripam est.
Statuta Arelat. MSS. art. 162 :
Si aliquis habet Fronteriam in riparia Arelatis, ubicumque sit, et voluerit eam plantare, levatarii illius territorii teneantur, etc.
Et art. 188 :
Omnia impedimenta via (viarum) quæ sunt a capite pontis Rodani usque ad portum civitatis removeantur, et quod quisque dimittat tertiam partem Fronterie, pro justa a capite pontis usque ad dictum portum civitatis.
Divisio bonorum terræ vicecomitalis Massil. inter DD. Roncelinum, Ugonem de Baucio et Giraudum Ademari ann. 1212 :
Habet coquina staris ejusdem castri, quæ erat Vicecomitum Massiliæ, et retrocurtis et medietas turris ejusdem staris, et Fronteria turris ex parte Ecclesiæ, et superior fascia majoris condaminæ, quæ est juxta faciam rotundam riali in medio... sala et omnes domus quæ sunt juxta prædictam salam, et totam Fronteriam sicut extenditur usque ad barium, quod claudit meta.
Statuta Massil. lib. 2. cap. 1. § 14 :
Creditor possit accipere quamcumque partem in re illa voluerit in tantum quantum res illa extenditur in profundum, usque ad satisfactionem sui debiti tantum, dum tamen totam Fronteriam rei non accipiat, nisi Fronteriam contingentem partem quam sibi dari petierit, et dum tamen illud accipiat ab uno latere.
Vide Fronterium 1.
© École des chartes.