« »
 
[]« 1 fundare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 628b. http://ducange.enc.sorbonne.fr/FUNDARE1
1. FUNDARE, Ex proprio fundo Ecclesiam, Monasterium construere, dotare, Fonder : vox usitatissima hac notione. Ebrardus Bethuniensis in Græcismo cap. 19 :
Fundas Ecclesiam, fundis laticem, bene dico.
Concilium Agathense cap. 27 :
Monasterium vero novum, nisi Episcopo permittente aut probante, incipere aut Fundare nemo præsumat.
Concilium Bracarense ann. 572. cap. 5 :
Placuit, ut quotiens ab aliquo fidelium ad consecrandas Ecclesias Episcopi invitantur, non quasi ex debito munus aliquod a Fundatore requirant, etc.
Vide Initiare.
les Bénédictins de St. Maur, 1733–1736.
◊ Haud abs re fuerit hic observare, non eos solum Ecclesiæ vel Monasterii dici Fundatores, qui primum Ecclesiam aut Monasterium exstruunt dotantve ex proprio fundo ; sed etiam illos qui instaurant vel augent maxime. Hujus rei plura suppetunt in veteribus tabulis argumenta. Vide Mabillonium in Actis SS. Ordin. S. Benedicti sæc. 3. part. 1. pag. 404. et sæc. 4. part. 1. pag. 209. Eodem præterea donati titulo Monasteriorum Advocati, qui eorum jura et possessiones tutabantur. Fundatores denique nuncupatos qui prædia Monasteriorum jure clientali tenebant, monet Kennettus in Gloss. ad calcem Antiquit. Ambrosden. :
Edmundum Rede et hæredes suos in Fundatorem dictæ domus suscepimus ac admisimus de jure sibi adquisito ex præfato lineali descensu.
P. Carpentier, 1766.
◊ Unde Gallicum Fondateur et Fondatrice, alias Fondeur et Fonderesse. Chron. S. Dion. lib. 5. cap. 17. tom. 3. Collect. Histor. Franc. pag. 298. ubi de Dagoberto rege :
Devoz enrichissierres et Fonderes d'abaies.
Charta Joan. ducis Alenc. 1444. ex Tabul. Cartus. B. M. de Parco : []
Nos prédécesseurs princes et seigneurs..... ayans singuliere dévotion... à l'église de N. D. du parc en Charnie, dont ils ont esté Fondeurs, etc.
Alia Philippæ comit. Gelriæ ann. 1277. in Lib. 2. nig. S. Vulfr. Abbavil. fol. 64. v°. :
Lekele capelerie devant dite je nome come Fonderesse.
Epith. in prior. B. M. d'Hannemont :
Cy gist demoiselle Perennelle de Gyri, Fonderesse de cette église, qui trépassa le Samedi après la S. Marc l'an 1325.
© École des chartes.