FYHTWITA, Amerciamentum pro conflictu :

Melleta

, Ranulfo Cicestrensi lib. 1. Hist. cap. 50. Brompton. :

Fyhtwite, emenda, proveniens ex contentione.

Fyzwyte, Amerciamentum pro pugna, in Glossariolo ad calcem Codicis MS. de quo Wanleius pag. 284. Regest. Priorat. Cokesford. apud Th. Blount. in Nomolex. Anglic. :

Fithwite, i. si pugnaverint et percusserint se, quamvis sanguinem non extraxerint, Prior habebit inde amerciamenta.

Ibid. :

Flitwite, i. Quod Prior teneat placita in curia sua de contentionibus et conviciis hominum suorum et habeat inde amerciamenta.

Aliis, mulcta ob commissam pugnam in perturbationem Pacis, quæ in exercitu Regis 10. solidorum erat. MS. Codex :

Fightwitha, id est, Forisfactura pugnæ.

Vox Saxonica, conflata ex fyht, pugna, et vite, mulcta. Leges Edmundi cap. 3 :

Et nolo, ut aliqua Fihtewita vel mambota condonetur.

Leges Canuti cap. 32. apud Bromptonum. :

In Denelaga habet rex Fyhtwitam, i. forisfactum pugnæ, et Fyrthwite, i. forisfactum expeditionis.

Leges Henrici I. Regis Angl. cap. 80 :

Si homicida divadietur ibi, vel cravetur, Fithwytam recipiat.

Alii Codd. habent Fitwwtam, et Fithwtam. Fietwita, in Charta Henrici II. Regis Angl. ex Archivo Beccensi. Vide Fictwita. et Fletwite.