GABLUM, Glossarium mediae et infimae latinitatis, Du Cange et al.

« Gablum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 003c. http://ducange.enc.sorbonne.fr/GABLUM

GABLUM, Census, tributum, reditus : ex Saxonico gafol, vel gafel, eadem notione : illud vero ex Hebræo Gab, quod idem sonat, si Guichartum audimus. Rectius a Cabal, recipere, deducitur. Chartularium SS. Trinitatis Cadomensis fol. 27. verso :

De hantone receperunt firmari 26. virgas terræ et dimid. decem et septem harum ad opus, 9. et dimidiam ad Gablum.

Domesdei :

Wallingford continet 276. hagas, reddentes 9. libras de Gablo.

Alibi :

Oxford. Hæc urbs reddebat pro theolonio et Gablo Regi 20. lib. et sextarios mellis Comiti Alpharo 10. libr.

Occurrit ibi non semel, et in Legib. Inæ Regis cap. 6. 25. et Henrici I. cap. 56. in Charta Guillelmi Nothi Regis Angl. ann. 1082. pro fundat. Abbat. S. Trinitatis Cadomensis apud Acherium in Notis ad Vitam Lanfranci pag. 34. in alia Edw. Confessoris apud Seldenum de Titul. honor. 2. part. cap. 5. pag. 618. in Monastico Angl. tom. 1. pag. 20. 437. 560. 624. tom. 2. pag. 969. apud Will. Thorn. ann. 1343. apud Somnerum in Tractatu de Gavelkynd pag. 177. etc.

Gaulum, pro Gablum. Charta Philippi Comitis Flandriæ ann. 1176. apud Buzelinum in Gallo-Flandr. lib. 2. cap. 22 :

In eodem pago villam Salliacum cum vivario, molendino, furno et Gaulo : villam etiam Gaugiacum.... et totum Gaulum ejusdem villæ,.. In pago Atrebatensi villam Bariacum, et Gaulum cum omni integritate.

P. Carpentier, 1766.

◊ Nostris etiam Gaule. Charta Guid. de Castel. Comit. S. Pauli ann. 1294. ex magn. Chartul. nig. Corb. fol. 181. v° :

Et eussons le Gaule de Centeleu, liques Gaules vaut par an six sestiers et plainne mine de blé et sis sestiers et plainne mine d'avene.

Charta Ludov. X. ann. 1315. in Reg. 52. Chartoph. reg. ch. 186 :

Comme le Gaule de Cambrai et de Cambresis avec toutes les droitures, rentes, revenues, esploiz et emolumens appartenans audit Gaule, lequel soloit tenir Robert jadis quens de Flandres, nous soit venuz en commis par le meffait et forfaiture doudit Robert ; et icelui Gaule o touz ses droits et appartenanches, etc.

Reg. Corb. 21. fol. 68. v° :

C'est ce que le vidame de Chartres a à Monchy ou bos, à Granville et à Wailly et ès terroirs desdites villes. Primo, il y a le visconté, laquelle l'advoué de Ransart tient de lui les Gaules, les advoueries et le travers de Wailly, dont le grand Gaule de Monchy, de Wailly et de Granville vault à Arras livré le Joeudi, le Vendredi, le Samedi prochain après la S. Remy iiij^c. et xxvj. mencaus d'avene et iiij^xx. vj. guelines.... et xl. mencaus pour les eschevins des trois villes, lesquels sont à receullir les Gaules les trois jours dessus dits... Item il y a une autre Gaule, que on paie au jour Nostre Dame en Mars, et monte à xxvj. mencaus d'aveine.

Ex quibus Gaule, idem videtur hic atque præstatio illa, quæ a vassallis et subditis domino pro ejus protectione pensitabatur.

Gablagium, Idem quod Gablum. Tabularium Fiscanense ann. 1260. fol. 51 :

Et manentes in ea debent ire ad furnum, et molendinum ipsius Abbatis, et debent Gablagium, et alia jura per annum.

Fol. 88 :

Et custus meos in die Veneris proxima post festum sancti Martini hiemalis, quando Gablagium colligebatur per villam.

Occurrit præterea in Charta Henrici II. Regis Angl. pro Abbatia S. Mariæ de Voto.

P. Carpentier, 1766.

◊ Charta Unfredi de Rohan confirmata a Carolo IV. ann. 1324. in Reg. 64. Chartoph. reg. ch. 42 :

Concessi Roberto Postello.... domum suam.... ab omni servitio quietam,.... exceptis istis, quatuor nummis Gablagii et quatuor estalagii, etc.

Gablaigium. Polyptychum Fiscanense ex Charta ann. 1235 :

Dominus Radulfus de Argentiis tenet unum masagium...... unde reddit sex denarios de Gablaigio et sex denarios de porprestura.

les Bénédictins de St. Maur, 1733–1736.

Gabalum, Eadem significatione. Charta anni 1360. apud Rymer. tom. 6. pag. 215 :

Absque custuma, subsidio, pedagio, Gabalo, aut alia redeventia, seu impositione qualicumque.

Gabulum, Eadem pariter notione, apud Will. Thorn. pag. 1788. 2078. 2130. in Monastico Anglic. tom. 1. pag. 577. 594. etc. Charta MS. M. Abbatis S. Vedasti Atrebat. ann. 1245 :

Cum mota esset contentio... super Gabulo Atrebatensi et receptione ipsius.

Infra :

Insuper dictus Bajulus ordinavit, quod Gabulum supradictum mensurari debet ad talem mensuram, ad quam homines vendunt et emunt in foro Atrebatensi.

Ibidem :

Si autem homo non manens super terra debente Gabulum, velit terram debentem Gabulum ahanare, ipse potest quamlibet mencaldatam terræ ahanare pro uno boistello avenæ, etc.

Ubi Gabulum sumitur pro præstatione agraria, et blado, quod ex messibus domino penditur. Apud Madox Formulare Anglic. pag. 313 :

Sciatis quod nos concessimus Abbati et Conventui de Brueria allocare et elongare Gabulum boveriæ suæ.

Vide Gavalum.

les Bénédictins de St. Maur, 1733–1736.

Gavelum, Gavulum. Chartularium S. Vedasti Atrebat. notatum V. pag. 143 :

Abbas hujusmodi conrodia pro Gavuli commutatione redemit.

Ibidem :

De Consuetudinibus Gavuli. In villis igitur S. Vedasti quæ Gavelum solvunt, debent singula curtilia duos mancaldos avenæ, unum denarium ad deductionem, unum panem ad canes et unam gallinam ad aves Comitis ; carruca modium avenæ, dimidia carruca dimidium modium, terra ad unum jumentum quatuor mancaldos. Feodi liberi sunt, terræ dominicatæ S. Vedasti liberæ sunt a Gavelo.

Hagabulum, Idem quod Gabulum. Monasticum Anglic. tom. 2. pag. 32 :

Habent et dicti Canonici... 50. acras terræ in libera eleemosyna, salvo Hagabulo Domini Regis, quæ solvunt singulis annis Ballivis Dom. Regis... 57. sol.

Occurrit ibi semel ac iterum.

Gabularii, Gabulo, seu gablo obnoxii. Monasticum Anglic. tom. 1. pag. 1020 :

Et omnia prata... eisdem concedo, salva communia Gabulariorum meorum de Pulla post fenum collectum et abductum.

Vetus Charta Anglo-Gallica apud Spelmannum in Villanus :

Frankes tenants, coterols, ou Gabelators.