GALERUS, Glossarium mediae et infimae latinitatis, Du Cange et al.

« Galerus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 015a. http://ducange.enc.sorbonne.fr/GALERUS

GALERUS, Insigne Ducalis potestatis, in Ceremoniali Rom. lib. 2. pag. 186.

les Bénédictins de St. Maur, 1733–1736.

◊ Latinis est Pileus rotundus a Galea sic dictus juxta Varronem. Gloss. Isid. : Galetum, Pileum pastorale, quod de junco fit. Sed lib. 19. Orig. cap. 30. ait, Galerium esse Pileum ex pelle cæsæ hostiæ factum. Eadem habet Papias cum addito, Pastoralis Pileus. Turnebus Advers. lib. 28. cap. 6. ex veteri Lexico : Galerus, Calamancus. Lege et vide Camelaucus. Synodus Valentina ann. 1590 :

Ne ullus Clericus in sacris constitutus, publice et ut plurimum absque necessitate, Galerum gestet ;

hoc est, Comam adscititiam. Simili notione Juvenalis dixit :

Sed nigrum flavo crinem abscondente Galero

Intravit, etc.

Vide S. Hieronymum Epist. 128. ad Fabiolam, ubi de Vestimentis Sacerdotum.

Galerus Cardinalium Rubeus, iis ab Innocentio IV. primum concessus in Concilio Lugdunensi ann. 1244. in privilegio Natalis Domini, creatis 12. Cardinalibus. Ut porro conferatur vel mittatur galerus novo Cardinali, habetur in Ceremoniali Romano lib. 1. sect. 8. pag. 99. Vide Theophilum Rainaudum de Pileo sect. 13. ubi et de Galero viridi Episcoporum.