GAMMADIUM, Glossarium mediae et infimae latinitatis, Du Cange et al.

« Gammadium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 022b. http://ducange.enc.sorbonne.fr/GAMMADIUM

GAMMADIUM. Anastasius in Leone III. pag. 123 :

Columnas argenteas 8. et Gammadia duo, et arcus duos cum crucibus argenteis, etc.

Infra pag. 127 :

Fecit vestem de stauraci cum cruce et Gamadiis, simul et paratrapetis suis.

Pag. 139 :

Tetravila rubea alythina quatuor, habentia cruces cum Gammadiis, et in circuitu periclysin de Tyrio.

Pag. 140 :

Arcum argenteum unum cum Gammadiis suis.

Pag. 151 :

Fecit etiam in circuitu altaris vela serica quatuor cum Gammadiis, et cruces de quadrapulo.

Pag. 182 :

Fecit vestem sericam albam sigillatam cum Gammadiis et periclysi, etc.

Denique pag. 205 :

Obtulit... vestem de fundato unam habentem in medio crucem, cum Gammadiis de quadrapulo.

Gammadia, diæ. Idem Anastas. pag. 149 :

Super quem constituit arcus duos de argento, et Gammadias quatuor, quæ simul pensant, etc.

Idem in Gregor. IV. pag. 161 :

Vela alba serica 4. unum habens undique Tyrium, et in medio crucem et Gammadias de chrysoclavo.

Et pag. 164 :

Fecit vestem de fundato, et Gammadias de octapulo.

Ex his videtur emendanda Charta ann. 1197. apud Ughellum tom. 7. Ital. sacr. pag. 1275 :

Quin etiam obtuli eidem Ecclesiæ unam planetam de xameto Jalino, unum amictum cum friso magno, unum camisum (perperam
<q>canusam</q>
) cum Gramatis et frisis, etc.

Legendum enim fortean Gamatis. Sed ex locis istis vix percipitur, quid sit Gammadium, nam virorum doctorum de hujus vocis notione conjecturæ non arrident. Vide Salmasium ad Pollionem pag. 343. Dominicum Macrum in Hierolexico, et Bollandistas tom. 3. SS. Maii pag. 393.