« »
 
[]« Gannum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 024c. http://ducange.enc.sorbonne.fr/GANNUM
GANNUM, Gannatura, Irrisio, Italis Gannare, et Ingannare, est fallere, decipere : ut Latinis Gannare, irridere. Glossar. Lat. Græc. : Gannat, χλευάζει. Gannator, χλευαστής. Gesta Regum Francor. cap. 41 :
Qui respondit cum Ganno dicens, Vos mentitis, etc.
Gannatura, Eadem notione. Rabanus Maurus lib. 1. de Instit. Cleric. cap. 3 :
Postremo ut idem Apostolus (S. Petrus qui inventor fuisse dicitur coronæ Clericalis) suique successores et sequipedes ridiculosum Gannaturæ ludibrium in populo Romano portarent, quia et horum Barones hostes exercitus superatos sub corona vendere solebant.
Eadem verba habentur in Epist. 44. Bonifacii Moguntini Archiep. Candidus Mon. in Vita Eigilis Abb. Fuld. cap. 12 :
Cujus judicium, et si non zabolica fallit
Gannatura, tamen laqueos hinc inde timoris
Non facile superat graviores, etc.
Aldhelmus de Laudibus Virginitatis :
Quid mirum, si Apostolorum oracula et jurisperitorum scita præfatas frivolorum nænias abominantur, cum etiam gentiles gentilibus, et paganis pagani quasi ridiculosum [] subsannantis Gannaturæ oprobrium legantur improperasse hoc modo, cum infami proverbiorum elogio cachinnantes ac cavillantes.
Scio, hic viros doctos Gannaturam, turpe lucrum interpretari, quia Hispanis Ganar est lucrari : sed potior videtur nostra conjectura.
© École des chartes.