GARATHINX, vox perinde Longobardica. Papias : Garathinx, donum. Editus perperam præfert Garethinis, ut alius MS. Garechinis. Gloss. vett. : Garathinx, donatio universitatis. Aliæ :

Garathinx fecerit, id est, donatum quid fecerit extra hostem.

Ex voce thing, donum, munus, et German. gar, prorsus, omnino. Lex Longob. lib. 2. tit. 1. § 8. Rothar. 223. :

Si quis ancillam suam propriam matrimoniare voluerit sibi ad uxorem, sit ei licentia, tamen debeat eam liberam thingare, et sic facere liberam, quod est Widerboram, et legitimam per Garathinx, id est, per libertatis donationem, vel per gratuitam donationem, id est, morgengab, etc.

Boerius ad d. § :

Nota, quid sit guiderbora, quæ est res libera, et Garathinx, id est, legitima.

Tit. 14. § 1 :

Per Garathinx, id est, donationem.

Tit. 35. § 6. Liutpr. 54. (6, 1.) :

Charta donationis per Garathinx facta.

Adde tit. 14. § 11. tit. 15. § 1. 3. tit. 34. § 1. Rothar. 167. 172. 174. 225. Editio Heroldi tit. 60. § 2. tit. 62. § 4. tit. 89. § 2. tit. 91. § 1. Gairetihinx semper præfert. Apud Muratorium tom. 1. part. 2. pag. 34. 47. 61. legitur Garantinx, Garanthinx, et Garanchinx. Glossar. Longab. in cod. Vat. : Gairethix, obligatio ; in cod. Cavens. :

Gairethix, qui recipit donum.