![[]](img/image.png)
GAZARI, Gazeri, Iidem qui Cathari, Hæretici Valdensium sectatores. Edict.
Otton. IV. imper. ann. 1210. apud Murator. tom. 5. Antiq. Ital. med. ævi col. 89 :
Sancimus omnes hæreticos Ferrariæ commorantes, Pathurenos sive Gazaros, vel quocumque alio nomine censeantur, imperiali banno subjacere.Stat. Riper. cap. 106. fol. 12. v°. :
Potestas Riperiæ teneatur et debeat expellere de communitate omnes Gazaros, hæreticos, et Patarinos inimicos fidei Christianæ.Stat. Astæ pag. 2. r°. :
Juro ad sancta Dei Evangelia bannire omnes hæreticos, videlicet Gazeros, Waldenses, Pauperes de Lugduno, et alios quoscumque hæreticos.Vide supra Gaçari.