« »
 
[]« Gelima » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 050b. http://ducange.enc.sorbonne.fr/GELIMA
GELIMA, Manipulus. Jo. de Janua : Gelima, a genu, et ligo, as, et manu componitur, i. garba, vel coma segetis, quæ cum manu ligatur super genu. Ebrardus in Græcismo cap. 9 :
Dicatur Gelima genibus manibusque ligata.
Joannes Hocsemius in Adolpho a Marca Episcopo Leod. cap. 11 :
Cum pro quibusdam speltæ Gelimis, forestariis suis dari solitis.... esset exorta dissensio.
Infra :
Armigeri petitas solvere Gelimas promiserunt.
Perperam utrobique gelunis et gelunas editum. Flandri Gheluye vocant, quod alii Glemam, et Gelimam : unde nostri Glui et Gluie etiamnum vocant frumentarios[] calamos, paleam, stipulam : præterea fasciculos ex his confectos.
P. Carpentier, 1766.
◊ Glossar. Lat. Gall. ex Cod. reg. 7692 : Gelima, Gerbe. Mirac. S. Genov. ex Cod. reg. 4182. apud D. Le Beuf tom. 3. Dissert. pag. xlij. :
Si meterent et manipulos in campis extenderent, messis acclivis germinaret, si ligarent in Gelimas, et in horrea ducerent, etc.
Lit. remiss. ann. 1397. in Reg. 153. Chartoph. reg. ch. 234 :
Item quod postmodum dictus præventus hujusmodi litteras... posuit... subtus quasdam Gelimas ; et ibi fuerunt repertæ.
Gerima, Eadem notione, Gall. Gereme. Charta Girardi de Vallengoiart in Tabul. Abbatiæ S. Victor. Paris. num. 21 :
Omnes alii proventus prædictarum terrarum præfatæ sunt Ecclesiæ, sicut campipars, et venditiones, investituræ, metationes, relevationes, et dona Gerimarum.
In alia Charta ejusdem Tabularii, Donum garbarum appellatur, quod in priori Donum Gerimarum.
les Bénédictins de St. Maur, 1733–1736.
Gelina, Glena, ut Gelima. Transactio anni 1493. ex Archivo S. Justi Lugdun. :
Debent decimam de decem Gelinis, Glenis seu gerbis unam Gelinam seu gerbam et Glenam.
P. Carpentier, 1766.
◊ Charta Barth. Laudun. episc. ann. 1139. tom. 2. Monum. sacr. antiq. pag. 18 :
Statuerunt parochiani utriusque villæ matricularium honestum imponere, et in singulis domibus de meliori annona laborum suorum ei annuatim Gelinam persolvere.
© École des chartes.