« »
 
[]« Genealogia » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 052b. http://ducange.enc.sorbonne.fr/GENEALOGIA
GENEALOGIA, Gens, genus, familia. Vita S. Boniti Episc. Claromont. cap. 4 :
Virum industrium, atque excellentissimum, Genealogiæque nobilis apice clarum.
Testamentum Fulradi Abb. S. Dionysii :
Pro anima mea, et genitore meo Riculfo, et genetrice mea Ermengarde, et pro germano meo Gausberto,... et pro Genealogia mea, etc.
Harmerus de Miracul. S. Maurilii Episc. Andeg. MS. :
Ornata filiorum Genealogia, sobolumque propagine.
Adrianus PP. in Epist. ad Carolum M. tom. 3. Hist. Franc. pag. 786 :
Et pro nobilissimis atque excellentissimis natis, necnon et pro omni Christo dilecta Genealogia vestra, etc.
Charta Edwini Regis Angl. tom. 2. Monast. pag. 841 :
Ego Edwinus præpotens Angligenæ Genealogiæ sceptro fretus.
Utuntur passim, Diurnus Roman. cap. 7. tit. 9. Capitul. 3. ann. 811. cap. 9. Hincmarus Opusc. 14. n. 18. Specul. Saxon. lib. 1. art. 19. Wichbild Magdeburg. art. 4. Liber Donationum Ecclesiæ Salzburgensis cap. 5. Itinerar. S. Willibaldi in præfat. Appendix Patriciacensis ad lib. 5. de Miraculis S. Benedicti n. 3. vetus Scheda apud Ughellum tom. 2. pag. 247. vetus Epitaph. apud Camillum Peregrinum lib. 1. Hist. Longob. pag. 245. Notitia 6. ad Capitula Caroli Cal. Cosmas Pragensis part. 2. Chron. Aulæ regiæ cap. 1. Hermann. Stangefol. in Annalibus Westphalic. lib. 2. pag. 185. etc.
◊ Componere secundum Genealogiam suam, in Lege Bajwar. tit. 1. cap. 9. tit. 2. cap. 4. § 2. tit. 7. cap. 14. § 2. tit. 14. cap. 8. § 1. est componere juxta genus suum, ita ut si injuriam passus liber et ingenuus fuerit, compositio sit liberi et ingenui ; si servus, servi. Capitul. Caroli M. lib. 5. cap. 184. 336. :
Si quis ministros Ecclesiæ..... injuriaverit, aut percusserit, vel plagaverit, componat hoc tripliciter, sicut solent componere parentes ejus .... Reliquorum autem Clericorum injuria componatur sicut parentum eorum. Monachorum quoque, qui secundum regulam in Monasterio vivunt, injuria dupliciter componatur, secundum Genealogiam suam, etc.
Ubi
sicut parentes, et secundum Genealogiam suam
, idem sonant.
Genealogia, Familia. Lex Alaman. tit. 84 :
Si quæ contentio orta fuerit inter duas Genealogias de termino terræ, etc.
Genealogia, Proprietas, bona avita. Charta Caroli Calvi apud Joan. a Bosco in Vienna pag. 55 :
Nos votum Deo fecisse, ut si Davidicam diutius optatam misericordiam fecisset,.... donaremus prædicto Sancto de Genealogiis regalibus apud Arelatam civitatem nobilem, de quibus Metropolitanus Viennensis cum subjectis sibi Deo famulantibus Clericis, haberet stipendia vitæ in servitio Ecclesiarum Dei usu cotidiano, etc.
Infra :
Alodium de nostris Genealogiis propriis ... cum villis et Ecclesiis, subjectis ... teneat et possideat, etc.
Præceptum Bosonis Regis Burgundiæ pro Episcopo Maurianensi ann. 887. apud Marten. tom. 1. [] Ampliss. Collect. col. 221 :
Donamus eidem sancto Domini Baptistæ refugium de nostris propriis Genealogiis, castrum scilicet in ejusdem territorio S. Johannis positum, etc.
© École des chartes.