GERONTICON, Liber, continens vitas Patrum, seu Seniorum, de quo ita Joannes Antiochenus, editus a Cotelerio Regio Linguæ Græcæ Professore, cap. 5 :

Ἡ πρώτως ἐν Αἰγύπτῳ συντεθεῖσα μεγίστα βίϐλος τῶν ἁγίων γερόντων τῆς Σϰήτεως, Θεϐάϊδος, ϰαὶ Λιϐύης τὰς ἱερὰς πολιτείας, ϰαὶ ἀποφθέγματα τούτων ϰατὰ στοιχείων ἐμπεριέχουσα.

Hujus porro libri Latine editi a Rosweido, Græcum exemplar nactus idem vir doctissimus publicavit in tomo primo Monumentorum Ecclesiæ Græcæ, quem præterea consule in notis pag. 795. Vide Glossar. med. Græcit. col. 247. in hac voce. Charta Sisnandi Episcopi Iriensis æræ 952. apud Anton. de Yepez tom. 4. Chronici Ord. S. Benedicti :

Libros, unum Ordinarium, et unum Sacerdotalem, et unum Geronticum, tertium cum officio Passionis et Missæ ipsus Martyris, etc.

Charta Ordonii Regis Navarræ æræ 960. apud eumdem tom. 3 :

Textum Evangeliorum, Librum Regularum, Gera et officium Synonymarum, Epistolarum, et alium laterculum.

Ubi puto legendum Geronticum. Alia Sisnandi Episcopi Iriensis seu Compostellani æræ 952. apud eumdem tom. 4 :

Libros ordinum Sacerdotalium, primo Jeroncion

(melius Joronticon) 1. tertium cum suo officio. Alia Rudesindi Episcopi Dumiensis æræ 930. tom. 4 :

Bibliotheca, Moralium, Dialogorum, Pastoralis, Ezechielem, Ethimologiarum, Sententiarium, Epistolarum, * ingeriarum, * geriaæ,

Ingerarium, geriæ, tom. 3. Concil. Hisp. pag. 181.

Historia Ecclesiastica, Eptamaron, Geronticon, Expositio Trinitatis, et Colationum

.