1. GLUTO, Glutto, λαίμαρτος, in Gloss. Gr. Lat. Papias : Ambro, devorator, profusus, luxuriosus, Glutto, consumptor patrimonii. Idem, Elluo, prodigus, Gluto, ambro, etc. Gl. Lat. MS. Reg. : Lurconem, Devoratorem, vel Gluttonem. Vetus Interpres Juvenalis Sat. 4 :

Divites, Gluttones.

Et infra :

Neronem dicit Gluttonem.

S. Ambrosius :

Sic amat diabolus filios suos ut perdat, sicut amat Gluto porcellum ut comedat.

Acta S. Sebastiani cap. 3. de Vita præsente :

Ipsa dat edacitatem Glutonibus, ipsa ebrietatem ingerit temulentis.

S. Eligius Homil. 14 :

Qui erat commessator, id est, Glutto, aut ebriosus, fit parcus et sobrius.

Ditmarus lib. 4 :

Glutto et simulator.

Matth. Paris. ann. 1105 :

Et quos desides vocat, et Glutones conculcare desiderat.

Ratherius Veron. in Serm. 1. de Quadrag. tom. 2. Spicil. Acher. pag. 284 :

At contra Gluttonum ista solet esse defensio, licet non per omnia falsa : Melius est, aiunt, abstinere a vitiis, quam a cibis. Sed quomodo abstinet a vitiis qui gulæ deservit ?

Adde Regul. Magistri cap. 1. 16. 69. V. Glotonus. MS. :

Va Glous, dit Nain, Dex te doint encombrer.