GODENDAC, Armorum species, quam Flandrensibus familiarem fuisse innuit Guil. Guiart. sub ann. 1298 :

A grans bastons pesans ferrez

A un long fer agu devant,

Vont ceus de France recevant.

Tiex baston qu'il portent en guerre,

Ont nom Godendac en la terre.

Godendac, c'est, bon jour, à dire,

Qui en François le veut descrire.

Cil baston sont long et traitis,

Pour ferir à deux mains faitis,

Et quant l'en en faut au descendre,

Se cil qui fiert, y veut entendre,

Et il en sache bien ouvrer,

Tantost peut son cop recouvrer,

Et ferir sans s'aller mocquant

Du bout devant en estoquant

Son ennemi parmi le ventre :

Et li fers est agus qui entre

Legierement de plaine assiete

Par tous les lieus où l'en en giete,

S'armeures ne le detiennent.

Cil qui les grans Godendas tiennent

Qui l'ont à deus poins empoignez,

Sont un poi des rancs esloignez,

De bien ferir ne sont point lasches.

Alibi :

Car les lances d'eus esloignies

Les Godendaz et les coignies

Mettent à mors és herberjages,

Chevaliers, escuiers et pages.

Et ann. 1032 :

Godendaz que l'en repaumoie

Ferrez et fais à grant estuide.

Vide Joannem Villaneum lib. 8. cap. 55. et supra Godandardus.