GOGRAVIUS, Germanis, vel Gograff, Comes, qui sine causæ cognitione judicat, vel potius, Gograven, vel Gauwgraffen, Præses aut Comes pagi : Gau namque, vel Gow, apud Theotiscos sumitur pro pago, seu territorio satis amplo. Charta Ottonis III. Imp. apud Maximilianum Henricum in Apolog. pag. 4 :

Nec non etiam Comitia in Westphalia, quæ vulgariter Gograchophe dicuntur.

Speculum Saxon. lib. 1. art. 2. § 6 :

Pagani proprium non habentes, suorum Gograviorum judicium expectent.

Art. 55. Gogravius ab incolis trium villarum seu prædiorum eligi dicitur : ad tempus, art. 58. cujus jurisdictio cessat, cum adest Comes, d. art. 58. § 2. quandoque ad hanc dignitatem infeudatur, art. 58. § 1. art. 71. ubi tunc Gogravius natus dicitur. Adde lib. 2. art. 13. § 1. l. 3. art. 64. § 14. Horum Gographiorum, inquit Gryphiander de Weichbildis Saxonicis cap. 62. quidam Freigravios se appellarunt.