GRANUM 3, Glossarium mediae et infimae latinitatis, Du Cange et al.

« 3 granum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 101b. http://ducange.enc.sorbonne.fr/GRANUM3

3. GRANUM, vel Granus, Genus nummi, apud Neapolitanos, sex denariis parvulis constans, apud Gobelinum Personam in Cosmodromio ætate 6. cap. 79. Idem cap. 80 :

Unde per dies aliquot laguncula una, quæ vulgo Barille dicitur, pro Granis quinque venivit.

Constitutiones Caroli II. inter Constitutiones regni Siciliæ editas a Sarayna Lugduni ann. 1560. pag. 313 :

Item pro stallagio equi die ac nocte solvatur Granum 1. Pro quolibet lecto integro .... solvatur Granum 1.

Granum Auri, ut Uncia auri. Constitutiones Siculæ lib. 1. tit. 90. § 1 :

Apparitori autem pro qualibet citatione infra civitatem aut locum facienda, Granum auri ab actore præbeatur : extra civitatem, aut pro qualibet miliari Granum unum.

Erat autem quotidiana Canonicorum et Clericorum in Ecclesiis deservientium distributio in Granis auri, apud Siculos et Neapolitanos, ut liquet ex Chartis ann. 1292. et 1304. apud Ughellum in Ital. sacr. pag. 306. cap. 420. d. 899. a.