GRAPHIA. Jo. de Janua : Graphia, scriptura, γραφή. In Capitulis Caroli M. Addit. 3. cap. 73. 109. lemma sic concipitur :

De Graphiæ prolatore, ut eam affirmet.

Mox :

Statutum est, ut scripturam prolator affirmet.

Epitaphium Pacifici Archidiac. Veronensis, apud Ughellum tom. 5. pag. 609 :

Glosam veteris et novi Testamenti posuit, horologioque carmen speræ cœli optimum, plura alia Graphiaque prudens invenit, etc.

A graphia seu scriptura, Grapharii et Graphiarii appellati postmodum Notarii et Commentarienses, nostris Greffiers. Tractatus ann. 1550. apud Rymer. tom. 15. pag. 231 :

Guillermus Rochetel Dominus de Sassy ejusdem Christianissimi Regis Consiliarius et Status regni a secretis, ut etiam dicti Ordinis S. Michaelis ab actis seu Grapharius.

Acta S. Basilii Episc. Cæsaræens. tom. 2. Junii pag. 933 :

Nobili Christophoro van Volden primo Brugensium Graphiario.