« »
 
[]« Grutum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 120b. http://ducange.enc.sorbonne.fr/GRUTUM
GRUTUM, Leguminis species, alias Granamelum : Anglis Grout, a Saxonico Grut, Far, condimentum cerevisiæ, zea, alica. Liber Rames. sect. 144 :
Decem mittas de braseo, et 5. de Gruto, et 5. mittas farinæ triticeæ, etc.
les Bénédictins de St. Maur, 1733–1736.
Grudum. Contractus anni 1282. et Chartulario Fiscamnensi :
Vendidi... undecim quarterios bladi et sex boissellos Grudi ;
id est, Hordei ad conficiendam cerevisiam accommodati, ut mox dicetur : qua notione vox Gallica Gru etiam accipitur in Chartulario Gemmeticensi tom. 1. pag. 30 :
A raison dequoi les gens du Roy nostre dit Seigneur, ou les ayans cause, prennent audit moulin chacun an cinquante-deux boisselets de moulte, ainsi qu'elle vient, moitié res et moitié combles à la mesure en quoy on reçoit laditte moulte, et une somme de Gru.
Grutdum, Eadem notione. Vide in Mina.
P. Carpentier, 1766.
◊ Grust, in Lit. remiss. ann. 1383. ex Reg. 123. Chartoph. reg. ch. 221. Aliæ ann. 1477. in Reg. 206. ch. 1003 :
Le suppliant (brasseur) conduisit une charretée de grain ou Gru pour mouldre au molin.
Grutarius, qui vendit legumina, aut poma. Ita Spelmannus. At hoc loco Grutum videtur esse quod Flandri Grutten et Gorte, vocant, hordeum siccatum, ex quo conficitur cerevisia : jungitur enim braseo, ex quo etiamnum
Grutt, et Gruit, appellant tributum, quod pro cerevisia pensitatur. Charta Ottonis Imper. ann. 999. apud Willelm. Hedam pag. 270. 1. Edit. :
Teloneum vero et negotium generale fermentatæ cervisiæ, quod vulgo Grutt nuncupatur, etc.
Miræus habet Gruit. In alia Henrici Imp. ann. 1003. apud eumd. Hedam habetur Gruit. Grut in alia anni 1224. apud Miræum[] tom. 1. pag. 304. Grutta, in Historia Comitum Lossensium pag. 70. Adrianus Junius ait, hodie Gruydgheld dici jus grutæ, seu vectigal, quod coctores cerevisiarii pro usu aquæ, centesimam nempe persolvunt : vel vectigal, quod penditur pro tollenda dissipandaque lenticula aquas operiente, quo limpidum haustris situlisque hauriant ad coquendum cerealem potum : vel denique quodvis cerevisiæ et aliis rebus impositum tributum, uti Bekanus.
© École des chartes.