GUALCHERIA, ab Italico Gualchiera, Gallis, Moulin à foulon, Ædificium, vel machina, quæ vi aquæ mota pannos laneos tundit ac roborat. Erant ipsæ Bononiæ sæc. xiii. juris ac potestatis Comunis, qui eas, ut molendina, singulis quinquenniis elocabat. In Statutis ejusdem civitatis ann. 1250-67. tom. iii. pag. 422-444. nonnulla ipsarum locationis instrumenta exhibentur, quæ sunt consideratione digna eo quod omnia quæ ad ædificium et conventionem pertinent singillatim ac distincte enumerant. (Fr.)