1. HABERE. Velle, vel debere. Lib. 1. Capitular. cap. 61 :

Qui in sanctis Habet jurare, hoc jejunus faciat, etc.

Rupertus Abb. in Vita S. Heriberti Archiep. Colon. n. 23 :

Currens affer illum ad me, ego enim eum Habeo baptizare.

Num. 26 :

Ipse enim, quia ægrotat, Habeo eum visitare.

Fulbertus Carnot. Epist. 102 :

Rex proximo rugitu, ut dicitur, venire Habet in silvam Legium, etc.

Phrasis Gallica :

J'ay à le baptizer, à le visiter, à aller à la chasse.

Leges Luithprandi Regis Longob. tit. 108. § 1. 138. (6, 85.) :

Veni et occide dominum tuum, et ego libi facere Habeo bonitatem, quam volueris.

Mox :

Feri eum adhuc, nam si non feriveris, ego te ferire Habeo.

Statuta Ordinis S. Gilberti :

Omnes Canonici, qui Sacerdotes non fuerint, omni die Dominica Habent communicare,

id est, tenentur. Occurrit ibi pluries : formula loquendi a veteribus etiam usitata. Vide Pœnitentiale Theodori cap. 3. Juretum ad Symmachum lib. 1. Epist. 26. et Cerdam in Adver. Sacr. cap. 17. num. 3. Vide Glossar. med. Græcit. in Ἔχειν. et Semler. Indic. Latin. Tertull. voce Habere.