HABITUATI, In Ecclesiis Cathedralibus seu Collegiatis Beneficiati Canonicis ordine minores ; frequentius hodie de Presbytero intelligitur sive Clerico, qui ac alicujus Ecclesiæ servitium se mancipavit, absque ullius beneficii titulo, certis pecuniarum distributionibus, juxta locorum consuetudines, contentus. Litteræ Francisci l. Regis pro reformatione S. Capellæ Paris. :

Tenebitur Thesaurarius dictæ Capellæ committere unum bonum distributorem, videlicet unum de Habituatis in dicta S. Capella.

Ibidem iterum de Habituatis post Canonicos et Capellanos occurrit mentio. Obituarium MS. Ecclesiæ Morinensis fol. 30 :

Item in conductu processionali feretri B. Mariæ et in ejus regressu quilibet Habituatus de gremio Ecclesiæ Morinensis, et omnes alii supra in articulo præcedenti declarati cum aliis servitoribus in viagio dicti feretri ordinatis per Capitulum, quilibet percipit tertiam partem quatuor denariorum. Item presbyter, diaconus, subdiaconus, chorista et duo Habituati deferentes feretrum, ultra distributionem præfatam quilibet percipit tertiam partem quatuor denariorum.

Rituale MS. Ecclesiæ Cathedr. S. Stephani Tolos. :

Et Sacerdos vadit ad aspergendum altare magnum, et deinde descendit ad aspergendum Canonicos et alios Habituatos.

Instrum. ann. 1551. tom. 1. Macer. Insulæ Barbaræ pag. 276 :

Idem R. Abbas Decanus et prior sæcularis S. Reneberti Lugdunensis Diœcesis ejusque in dicta Ecclesia et prioratu successores, respective super Canonicis, presbyteris et Habituatis dictorum Ecclesiæ collegiatæ.

Occurrit in Instrum. ann. 1480. apud Miræum tom. 2. pag. 1341.