HEREZELDA, et Herrezelda, Scotis, dicitur jus illud, quod domino feudali competit ratione dominii, percipiendi in bonis sui husbandi, seu tenentis

meliorem averium sive animal, de ejus catallis

, post illius decessum. Ita Quoniam Attach. cap. 23. et Leges Burgor. Scoticor. cap. 19. Adde Regiam Maj. lib. 2. cap. 36. § 2. Id Angli Heriotum vocant. Vide in hac voce. Vox confecta ex Her, dominus, et Zelde donum, seu ex geld, præstatio, ut existimat Spelmannus. Ego vero Heregeldum, appellatum potius censuerim ab here, exercitus, et geldum : quod vassallis ac tenentibus decedentibus, dominis jus esset capiendi in illius bonis equum, arma bellica, veluti ad exercitus subsidia. Vide Skenæum de Verborum significat. verbo Herrezelda.