quotidianus aquarum Sabrinæ fluvii furor, quem vel voraginem vel vertiginem undarum dicam nescio, ait Guill. Malmesbur. lib. de Pontific. Qui fundo ab imo verrens arenas et conglobans in cumulum cum impetu venit, nec ultra quam ad pontem pertendit : nonnunquam etiam ripas transscendit, et magna parte circuita, terræ victor egreditur. Infelix navis, si quam a latere attigerit : nautæ gnari cum vident illam Higram (sic Anglice vocant) venire, navem obvertunt, et per medium secantes violentiam ejus eludunt.