« »
 
[]« Hogaster » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 212b. http://ducange.enc.sorbonne.fr/HOGASTER
HOGASTER, Porcellus : ex Anglico Hogge, porcus. Leges Forestar. Scotic. cap. 7 :
Iste est modus pannagii, videlicet de qualibet cindra, id est, de 10. porcis. Rex habebit meliorem porcum, et Forestarius unum Hogastrum .... Si omnes fuerint Hogastri, tunc nihil habebit Forestarius, nisi unum Hogastrum.
Fleta lib. 2. cap. 79. § 4. et 12. hanc vocem etiam in ovibus usurpat :
Tertium ovile ... pro Hogastris annatis et juvenibus.
Chartularium SS. Trinitatis Cadomens. fol. 45. v°. :
Instauramentum hujus villæ est 8. boves ... septem viginti oves matres adpreciatas 4. d. et 60. et 12. inter gerces et Hogastres, medietatem gerces et medietatem Hogastres.
Vide Gull. Prynneum in Libertatib. Eccl. Anglic. tom. 3. pag. 1209.
Hogri, ex Anglico Hogrell, Bidentes. Monasticum Angl. tom. 2. pag. 666 :
De vaccis 69. de boveriis 17. de boviculis 10. de annalibus 28. de vitulis 29. item de [] multonibus 381. de hurtis et muricis 207. de Hogris 121. et de agnis 100.
Ex his emendantus videtur Petrus de Vineis lib. 5. Ep. 70. ubi de dextrariis et ronchinis mittendis verba fecit, addit :
De Engastris autem mittendis, ecce quod in proximo tibi curabimus providere.
Ubi legendum videtur Hogastris.
© École des chartes.