HOLOVERUS, Purpureus : vestes holoveræ, quæ totæ vero colore, i. ἀληθινῷ, seu purpureo tinctæ sunt absque ullius alterius coloris permistione : quomodo fuisse indicantur in leg. 3. Cod. Theod. de Vestibus holoveris. (10, 21.) Vox hybrida ex Latino et Græco composita. Ita Salmasius, Petavius, Cerda, etc. Ferrarius de Re vestiara lib. 2. cap. 10. contractam ex ὁλοπόρφυρος putat. Procopius in Histor. arcana pag. 112. 1. Edit. ὁλόϐηρον tincturam et colorem fuisse, qui Regum proprius erat, indicat. Anastasius in Hormisda PP. :

Pallia Olobera blattea, etc.

In Joanne II. :

Pallia Olovera auro texta quatuor.

In Paschali pag. 153 :

Aliam vestem de stauraci cum periclisi de Olovero.

Ita pag. 152. 156. 161. 163. 164. 165. 204. 206. etc. Vide præterea Turnebum lib. 1. Adv. cap. 13.