HOMATA, Modus agri vineis consiti, tria circiter jornalia complectens, nostris Hommée. Charta Gazon. episc. Laudun. ann. 1313. in Reg. donor. Caroli IV. et Phil. VI. ex Cam. Comput. Paris. fol. 117. r°. :

Gerardus de Paigneyo supplicavit, ut nos quandam peciam vineæ, circiter quindecim Homatas vineæ continentem,... admortizare nostra auctoritate vellemus.

Alia pro eccl. Laudun. ann. 1374. in Reg. 105. Chartoph. reg. ch. 442 :

Item aliam vineam ... continentem circa duas Homatas cum semi-homata.

Pluries ibi. Quatuor Homines vineæ, in Terrear. ann. 1502. Hommée de vigne, in Ch. ann. 1339. ex Tabul. S. Joan. Laudun. Alia ann. 1362. in Reg. 91. ch. 429 :

Item environ huit jours de vignes, séans au terroir de Maisy,... contenans trois Hommées... Item Hommée et demie en marlies.

Major ergo Homata, quam mensura, quæ Dies vel Jornalis dicitur, quantum scilicet uno die potest homo laborare vel fodere ; repudianda itaque Homatæ definitio proposita in Diction. Trevolt. Oumée, eodem intellectu, in Charta ann. 1374. ex Reg. 105. ch. 474 :

Item environ dix Oumées de vigne ou finaige de Brene.

Neque aliud sonat vox Omilée in Charta composit. inter Phil. V. reg. Franc. et episc. Tornac. ann. 1320. ex Cod. reg. 8448. 2. 2. fol. 90. v°. :

Ernouls li queus pour terre... une Omilée et demie, demi chapon et sis Loenois... Deus Omilées, un chapon et douze Lovisiens.

Vide infra Hometa et Hominata.